എസ്.ഐ.ആർ പരിഷ്കരണത്തിലെ പ്രശ്നങ്ങൾ പരിഹരിക്കണമെന്ന് ആവശ്യപ്പെട്ട് എൽ.ഡി.എഫിന്റെ നേതൃത്വത്തിൽ ഫെബ്രു. രണ്ടിന്‌ (തിങ്കൾ)​ രാവിലെ 10ന് തിരുവനന്തപുരത്ത്‌ തിരഞ്ഞെടുപ്പ്‌ കമ്മിഷൻ ഓഫീസിലേക്ക് മാർച്ച് നടത്തുന്നതാണ്.

ജില്ലാ കേന്ദ്രങ്ങളിലും മാർച്ച്‌ നടത്തുമെന്ന് കൺവീനർ ടി.പി.രാമകൃഷ്ണൻ വാർത്താ സമ്മേളനത്തിൽ പറഞ്ഞു. 21ന്‌ വോട്ടർപ്പട്ടിക പ്രസിദ്ധീകരിച്ചാൽ അപാകത പരിഹരിക്കാനായി രണ്ടാഴ്ച സമയം അനുവദിക്കണം. നിയമസഭാ തിരഞ്ഞെടുപ്പിൽ അർഹരായ മുഴുവനാളുകൾക്കും വോട്ടവകാശം ലഭിക്കണം. പൗരത്വനിയമം നടപ്പിലാക്കാനാകാതെ വന്നപ്പോൾ എസ്‌.ഐ.ആറിന്റെ മറവിൽ അത് നടപ്പിലാക്കാനാണ് ശ്രമം.