വീണ്ടും ബിജെപിയിലേക്ക് നിരവധി പേർ. തിരഞ്ഞെടുപ്പ് തൊട്ടരികിൽ നിൽക്കെ ഡിവൈഎഫ്ഐ, കോൺ​ഗ്രസ് തുടങ്ങിയ പ്രധാന സംഘടനകളിൽ നിന്ന് ബിജെപിയിലെത്തുകയാണ് പ്രവർത്തകർ. ഇന്ന് 12 മണിക്ക് മാരാർജി ഭവനിൽ ബിജെപി സംസ്ഥാന അധ്യക്ഷൻ രാജീവ്‌ ചന്ദ്രശേഖർ, വി മുരളീധരൻ എന്നിവരുടെ സാന്നിധ്യത്തിൽ പ്രമുഖ വ്യക്തികൾ ബിജെപിയിൽ ചേർന്നു.

നിയമസഭാ തിരഞ്ഞെടുത്ത് അടുത്തിരിക്കുന്ന സാഹചര്യത്തിൽ വലിയ പ്രതീക്ഷയാണ് ബിജെപി കേരളത്തിൽ വച്ചുപുലർത്തുന്നത്. ഈ ഘട്ടത്തിലാണ് സിപിഎമ്മിൽ നിന്നും കോൺഗ്രസിൽ നിന്നും നിരവധി പേർ ഇപ്പോൾ ബിജെപിയുടെ ഭാഗമാകുന്നത് എന്നതാണ് പ്രധാനപ്പെട്ട കാര്യം. ബിജെപി ഇപ്പോൾ കഴക്കൂട്ടം നിയോജക മണ്ഡലത്തിലെ പ്രധാന ചുമതല വഹിച്ചിരുന്ന സിപിഎമ്മിന്റെ നേതാക്കൾ അടക്കമുള്ളവർ ഇപ്പോൾ ബിജെപിയുടെ ഭാഗമായിരിക്കുന്നു.

ഒപ്പം സിപിഎമ്മിന്റെ മുൻ ബ്ലോക്ക് പഞ്ചായത്ത് പ്രസിഡന്റ് അടക്കമുള്ളവരാണ് ബിജെപിയുടെ ഭാഗമായി ഇപ്പോൾ രംഗത്തെത്തിയിരിക്കുന്നത്. കഴിഞ്ഞ കുറേ കാലമായി സിപിഎമ്മിന്റെ നേതൃത്വ നിരയിലുള്ളവരും ബിജെപിയുടെ ഭാഗമായിരിക്കുന്നു എന്നതാണ് പ്രധാനപ്പെട്ട കാര്യം.