പാലക്കാട് എംഎൽഎ രാഹുൽ മാങ്കൂട്ടത്തിൽ ഇന്ന് നേരിട്ടുകൊണ്ടിരിക്കുന്നത് സമാനതകളില്ലാത്ത രാഷ്ട്രീയ-നിയമ പ്രതിസന്ധികളാണ്. എന്നാൽ, കരിയറിലെ ഈ ഏറ്റവും കടുത്ത കാലഘട്ടത്തിലും രാഹുലിന് താങ്ങായി നിൽക്കുന്ന ഒരാളുണ്ട്—അദ്ദേഹത്തിന്റെ ബാല്യകാല സുഹൃത്തായ ഫെന്നി നൈനാൻ. ഒന്നല്ല, രണ്ടല്ല, മൂന്ന് പീഡനക്കേസുകളിൽ രാഹുൽ പ്രതിയാക്കപ്പെട്ടപ്പോഴും, നിരവധി ആരോപണങ്ങൾ വേട്ടയാടിയപ്പോഴും അചഞ്ചലനായി ഫെന്നി രാഹുലിനൊപ്പം നിന്നു. ഈ സൗഹൃദം ഫെന്നിക്ക് ഉണ്ടാക്കിയ നഷ്ടങ്ങൾ ചെറുതല്ല.

രാഹുൽ പ്രതിയായ രണ്ടാമത്തെ പീഡനക്കേസിൽ ഫെന്നി നൈനാനും പ്രതിയാക്കപ്പെടുന്നു എന്ന വാർത്തകൾ വന്നതോടെ അദ്ദേഹത്തിന്റെ വ്യക്തിജീവിതവും രാഷ്ട്രീയവും പ്രതിസന്ധിയിലായി. ഫെന്നി ഒളിവിൽ പോയി എന്ന തരത്തിൽ റിപ്പോർട്ടർ ചാനൽ ഉൾപ്പെടെയുള്ള മാധ്യമങ്ങൾ വാർത്തകൾ നൽകിയത് അദ്ദേഹത്തിന്റെ ആദ്യ തെരഞ്ഞെടുപ്പ് ഫലത്തെപ്പോലും ദോഷകരമായി ബാധിച്ചു.

പിന്നീട് രാഹുൽ മാങ്കൂട്ടത്തിൽ അറസ്റ്റിലാകുകയും 18 ദിവസം ജയിലിൽ കഴിയുകയും ചെയ്തു. ആ കഠിനമായ ദിവസങ്ങളിലും രാഹുലിനെ തള്ളിപ്പറയാൻ ഫെന്നി തയ്യാറായില്ല. എന്ന് മാത്രമല്ല, നിയമപോരാട്ടങ്ങൾക്കും രാഹുലിനെ പുറത്തെത്തിക്കാനുമുള്ള അണിയറ നീക്കങ്ങൾക്ക് ചുക്കാൻ പിടിച്ചതും ഈ ഉറ്റ സുഹൃത്തായിരുന്നു....