മഞ്ചേശ്വരം കുഞ്ചത്തൂരില്‍ പ്രവാസിയായ പിതാവ് മകളെ വെട്ടിക്കൊലപ്പെടുത്തി. കുഞ്ചത്തൂര്‍ ഹില്‍ ടോപ്പിലെ 16 കാരി ജുമൈലയാണ് കൊല്ലപ്പെട്ടത്. തിങ്കള്‍ വൈകിട്ട് ആറ് മണിയോടെയാണ് സംഭവം. ഗുരുതരമായി പരുക്കേറ്റ ജുമൈലയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

പിതാവ് ഉമ്മറിനെ പൊലീസ് കസ്റ്റഡിയിലെടുത്തു. കുടുംബ പ്രശ്‌നങ്ങളാണ് കൊലപാതകത്തിന് കാരണമെന്നാണ് പ്രഥമിക വിവരം. വിദേശത്തായിരുന്ന ഉമ്മര്‍ മൂന്ന് മാസം മുമ്പാണ് നാട്ടിലെത്തിയതെന്ന് നാട്ടുകാര്‍ പറഞ്ഞു.