തൊണ്ടിമുതല്‍ തിരിമറി കേസ്... മുന്‍മന്ത്രി ആന്റണി രാജുവിന്റെ ശിക്ഷ നടപ്പിലാക്കുന്നത...

തൊണ്ടിമുതല്‍ തിരിമറി കേസ്... മുന്‍മന്ത്രി ആന്റണി രാജുവിന്റെ ശിക്ഷ നടപ്പിലാക്കുന്നത് മരവിപ്പിച്ചു, കുറ്റക്കാരനെന്ന് കണ്ടെത്തിയ വിചാരണ കോടതി വിധി റദ്ദാക്കാൻ ജില്ലാ കോടതി വിസമ്മതിച്ചു

03 FEBRUARY 2026 06:38 AM IST

മലയാളി വാര്‍ത്ത

സങ്കടക്കാഴ്ചയായി... കൊച്ചി മരടിൽ രാത്രി ബിഗ് സ്ക്രീനിൽ ഫുട്ബോൾ മത്സരം കാണാനായി റോഡ് മുറിച്ച് കടക്കവേ അപകടം... യുവാവിന് ദാരുണാന്ത്യം

തൊണ്ടിമുതലിൽ തിരിമറി നടത്തിയെന്ന കേസ്... ആന്റണി രാജുവിന്റെ അപ്പീൽ ഇന്ന് കോടതി പരിഗണനയിൽ...

ഹെറോയിൻ കടത്ത് കേസിലെ തൊണ്ടി മുതല്‍ തിരിമറി കേസില്‍ മുന്‍മന്ത്രി ആന്റണി രാജുവിന്റെ ശിക്ഷ നടപ്പിലാക്കുന്നത് ജില്ലാ കോടതി മരവിപ്പിച്ചു. അതേസമയം കുറ്റക്കാരനെന്ന് കണ്ടെത്തിയ വിചാരണ കോടതി വിധി റദ്ദാക്കാൻ കോടതി വിസമ്മതിച്ചു. ഇക്കാര്യം അപ്പീലിന്റെ അന്തിമ വിധിന്യായത്തിൽ പരിഗണിക്കാമെന്ന് ജില്ലാ കോടതി വ്യക്തമാക്കി. കുറ്റക്കാരനെന്ന കണ്ടെത്തൽ സ്റ്റേ ചെയ്യാത്തതിനാൽ തെരഞ്ഞെടുപ്പിൽ മത്സരിക്കാൻ നിയമപരമായ വിലക്കുണ്ട്. രണ്ടാം പ്രതി മുന്‍ ഗതാഗത മന്ത്രി ആന്റണി രാജുവിന്റെ അപ്പീലിലാണ് ജില്ലാ കോടതി ഉത്തരവ്. വിചാരണ കോടതിയുടെ വിധിന്യായ പരിശോധനക്കായി തിരുവനന്തപുരം പ്രിന്‍സിപ്പല്‍ സെഷന്‍സ് കോടതി ജഡ്ജി എസ്. നസീറ ഫെബ്രുവരി 6 ന് അപ്പീൽ പരിഗണിക്കും. കേസില്‍ രണ്ടാംപ്രതിയായ ആന്റണി രാജു തന്റെ ശിക്ഷയും കുറ്റക്കാരനെന്ന വിചാരണ കോടതിയുടെ കണ്ടെത്തലും റദ്ദാക്കണമെന്ന് ആവശ്യപ്പെട്ടുകൊണ്ടാണ് അപ്പീലും സ്റ്റേ ഹർജിയും നല്‍കിയിരിക്കുന്നത്. തൊണ്ടിമുതല്‍ കേസില്‍ ആൻറണി രാജുവിന് ഇ ന്ത്യൻ ശിക്ഷാ നിയമത്തിലെ 409 വകുപ്പ് പ്രകാരം മൂന്ന് വര്‍ഷത്തെ ശിക്ഷയാണ് വിചാരണ കോടതി നല്‍കിയിട്ടുള്ളത്. നെടുമങ്ങാട് ഒന്നാം ജുഡീഷ്യൽ മജിസ്ട്രേറ്റാണ് ശിക്ഷ വിധിച്ചത്. രണ്ടു വർഷത്തിന് മേലുള്ള ശിക്ഷ ലഭിച്ചതോടെ എംഎല്‍എ സ്ഥാനത്ത് നിന്ന് ആന്റണി രാജുവിനെ നിയമസഭാ സെക്രട്ടറി അയോഗ്യനാക്കി. "