എറണാകുളം ദേശീയപാതയില്‍ കളമശ്ശേരിയില്‍ ബൈക്ക് മെട്രോ തൂണില്‍ ഇടിച്ച് അപകടത്തില്‍പ്പെട്ട യുവാവിന് ദാരുണാന്ത്യം. അപകടത്തില്‍ മലപ്പുറം സ്വദേശി മുഹമ്മദ് മുസ്തഫ ആണ് മരിച്ചത്. 25 വയസായിരുന്നു. ദേശീയപാതയില്‍ കളമശ്ശേരിയില്‍ മെട്രോ പില്ലര്‍ നമ്പര്‍ 293 ലേക്കാണ് നിയന്ത്രണം നഷ്ടപ്പെട്ട ബൈക്ക് ഇടിച്ച് കയറി അപകടം ഉണ്ടായത്.

ഇന്ന് പുലര്‍ച്ചെ രണ്ടേമുക്കാല്‍ മണിയോടെയാണ് അപകടമുണ്ടായത്. എറണാകുളം ഭാഗത്ത് നിന്നും ആലുവ ഭാഗത്തേക്ക് പോവുകയായിരുന്ന ബൈക്ക്. ഉടന്‍ ഇയാളെ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരിച്ചു. കാക്കനാട് ഐടി കമ്പനിയിലാണ് മുഹമ്മദ് മുസ്തഫ ജോലി ചെയ്യുന്നത്. കാക്കനാട് പടമുഗളിലാണ് താമസം.ഇവിടെ നിന്നും മലപ്പുറത്തേക്ക് പോകുന്ന വഴിയാണ് അപകടമുണ്ടായത്.