ശബരി റെയില്പാത.... ചെലവാകുന്ന തുകയുടെ പകുതി സംസ്ഥാന സര്ക്കാര് വഹിക്കാന് മന്ത്രി സഭ യോഗത്തില് തീരുമാനം
ശബരി റെയില്പാതക്കായി ചെലവാകുന്ന തുകയുടെ പകുതി സംസ്ഥാന സര്ക്കാര് വഹിക്കാന് മന്ത്രി സഭ യോഗത്തില് തീരുമാനമായി. 1900 കോടി രൂപയാണ് കിഫ്ബി വഴി സര്ക്കാര് വഹിക്കുക. പദ്ധതി മരവിപ്പിച്ച തീരുമാനം കേന്ദ്ര സര്ക്കാര് റദ്ദാക്കിയ സാഹചര്യത്തിലാണു ഈ നടപടി.
നേരത്തെ ശബരി റെയില് തിരുവനന്തപുരത്തേക്കു നീട്ടുന്നതിനെ കുറിച്ചു പഠിക്കാനായി 2 കോടി രൂപ അനുവദിക്കുമെന്ന് ധനമന്ത്രി കെഎന് ബാലഗോപാല് പ്രഖ്യാപിച്ചിട്ടുണ്ടായിരുന്നു. ഇതിനുപിന്നാലെയാണ് പദ്ധതിയുടെ പകുതി തുകയും സംസ്ഥാന സര്ക്കാര് വഹിക്കുമെന്ന് അറിയിച്ചിട്ടുള്ളത്. തീരുമാനം കേന്ദ്ര റെയില്വേ മന്ത്രാലയത്തെ അറിയിക്കാനും മന്ത്രി സഭ യോഗത്തില് തീരുമാനമാകുകയായിരുന്നു,
111 കിലോമീറ്റര് ദൂരമുള്ള അങ്കമാലി എരുമേലി ശബരിപാത 1997ലെ കേന്ദ്ര റെയില്വേ ബജറ്റില് പ്രഖ്യാപിച്ചത്. മൂന്നു പതിറ്റാണ്ടോട് അടുക്കുമ്പോഴും ആകെ പൂര്ത്തിയായത് അങ്കമാലിയില്നിന്നു കാലടിവരെ എട്ടു കിലോമീറ്റര് മാത്രമാണ്. രാജ്യത്തിന്റെ എല്ലാ ഭാഗത്തുമുള്ള അയ്യപ്പഭക്തര്ക്കു ശബരിമലയിലേക്കുള്ള യാത്രയ്ക്കും നാടിന്റെ വികസനത്തിനും പ്രയോജനപ്പെടുമായിരുന്ന പാതയുടെ നിര്മാണം നിലച്ച ഘട്ടത്തിലാണ് പദ്ധതിയുടെ പകുതി ചെലവ് വഹിക്കാമെന്ന് സംസ്ഥാന സര്ക്കാര് അറിയിച്ചിട്ടുള്ളത്.
"
https://www.facebook.com/Malayalivartha
