യുകെ കിങ്സ് കോളേജുമായി ഗവേഷണത്തില് സഹകരിക്കുമെന്ന് മന്ത്രി വീണാ ജോര്ജ്
യുകെ കിങ്സ് കോളേജുമായി പാര്ക്കിന്സണ്സ് രോഗ ഗവേഷണത്തില് സഹകരിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഡോക്ടര്മാര്ക്ക് അവിടെ ഫെലോഷിപ്പ് പ്രോഗ്രാമും സംഘടിപ്പിക്കും. പാര്ക്കിന്സണ്സ് രോഗത്തില് ഗവേഷണ സഹകരണങ്ങള് ശക്തിപ്പെടുത്തുന്നതിന് അന്താരാഷ്ട്ര വാര്ഷിക സിമ്പോസിയം കേരളത്തിന് സഹായകരമാകും.
യുവ ഗവേഷകര്ക്ക് പരിശീലന അവസരങ്ങള് വര്ദ്ധിപ്പിക്കുന്നതിനും പാര്ക്കിന്സണ്സ് രോഗത്തെക്കുറിച്ചുള്ള അവബോധവും പരിചരണവും പ്രത്യേകിച്ചും മോട്ടോര് ഇതര ലക്ഷണങ്ങളെക്കുറിച്ചുള്ള അവബോധവും പരിചരണവും മെച്ചപ്പെടുത്തുന്നതിലൂടെയും ഈ സിമ്പോസിയം കേരളത്തിന് ഏറെ സഹായകരമാകും. യുവാക്കളില് പാര്ക്കിന്സണ്സ് രോഗം വര്ദ്ധിച്ചു വരുന്നത് ആശങ്കയുണ്ടാക്കുന്നതാണെന്നും മന്ത്രി പറഞ്ഞു. പാര്ക്കിന്സണ്സ് രോഗത്തെക്കുറിച്ചുള്ള ആറാമത് അന്താരാഷ്ട്ര വാര്ഷിക സിമ്പോസിയം 2026 തിരുവനന്തപുരത്ത് ഉദ്ഘാടനം നിര്വഹിക്കുകയായിരുന്നു മന്ത്രി.
കിങ്സ് കോളേജ് ഹോസ്പിറ്റല് സിഇഒ കിംബര്ലി പിയേഴ്സ്, പാര്ക്കിന്സണ്സ് ഡിസീസ് നോണ്മോട്ടോര് ഗ്രൂപ്പ് (ജഉചങഏക) ഔദ്യോഗികമായി ആരംഭിക്കുകയും ലണ്ടനിലെ കിംഗ്സ് കോളേജും കേരള സര്ക്കാരും തമ്മിലുള്ള ഗവേഷണ സഹകരണങ്ങള് വാഗ്ദാനം ചെയ്യുകയും ചെയ്തു.
ആരോഗ്യ വകുപ്പിന്റെ നേതൃത്വത്തില് മെഡിക്കല് വിദ്യാഭ്യാസ ഡയറക്ടറേറ്റ്, തിരുവനന്തപുരം മെഡിക്കല് കോളേജിലെ ന്യൂറോളജി വകുപ്പ്, നാഷണല് ഹെല്ത്ത് മിഷന്, കിംഗ്സ് കോളേജ് ലണ്ടന് പാര്ക്കിന്സണ്സ് റിസര്ച്ച് അലയന്സ് ഇന്ത്യ (ജഞഅക) എന്നിവര് ചേര്ന്നാണ് സിമ്പോസിയം സംഘടിപ്പിച്ചത്. കിംഗ്സ് ജഞഅക ഇന്റര്നാഷണല് വിസിറ്റിംഗ് ഫെലോഷിപ്പ് പ്രോഗ്രാം പ്രഖ്യാപിക്കുകയും മികച്ച ഡോപാമൈന് വിതരണത്തിനുള്ള നൂതന സമീപനങ്ങള് വിശദീകരിക്കുകയും ചെയ്തു.
പ്രൊഫ. കെ. റേ ചൗധരി (യുകെ), ഡോ. വിനോദ് മെറ്റ, പ്രൊഫ. പെര് ഓഡിന് (സ്വീഡന്), ഡോ. കരോലിന പോപ്ലാവ്സ്കഡൊമാസ്സെവിച്ച്സ് (പോളണ്ട്) തുടങ്ങിയ പ്രമുഖ ആഗോള വിദഗ്ധരും ഇന്ത്യയില് നിന്നുള്ള ചലനരോഗ വിദഗ്ദരായ പ്രൊഫ. രൂപം ബോര്ഗോഹെയ്ന്, പ്രൊഫ. വിനയ് ഗോയല്, പ്രൊഫ. രജീന്ദര് ധമിജ, ഡോ. രുഗ്മിണി മൃദുല, ഡോ. പ്രശാന്ത്.എല്.കെ, ഡോ. ചിത്ര.പി, ഡോ. ശ്യാം .കെ, ഡോ. അജിത് ചെറിയാന്, ഡോ. ദിവ്യ.കെ.പി, ഡോ. ജേക്കബ് ചാക്കോ എന്നിവര് പ്രഭാഷണങ്ങള് നടത്തി. 150 ല് അധികം ഡോക്ടര്മാര് പങ്കെടുത്തു.
https://www.facebook.com/Malayalivartha
