ആ കാഴ്ച കാണാനാവാതെ.... പെരുമ്പാവൂരിൽ ടൂറിസ്റ്റ് ബസിടിച്ച് സ്കൂട്ടർ യാത്രികന് ദാരുണാന്ത്യം. മൂക്കന്നൂർ കോക്കുന്ന് കാഞ്ഞുക്കാരൻ വീട്ടിൽ നോബിൾ തോമസ് (35) ആണ് മരിച്ചത്. കോതമംഗലത്തേക്ക് പോവുകയായിരുന്ന നോബിളിന്റെ സ്കൂട്ടറിൽ പെരുമ്പാവൂരിലേക്ക് വന്ന ടൂറിസ്റ്റ് ബസ് ഇടിച്ചാണ് അപകടം സംഭവിച്ചത്.

ആലുവ- മൂന്നാർ റോഡിൽ ആശ്രമം ഹയർ സെക്കൻഡറി സ്കൂളിന് സമീപം ഞായറാഴ്ച പുലർച്ചെ 12.10ന് ആയിരുന്നു അപകടം സംഭവിച്ചത്അ. ഗ്നിരക്ഷാ സേനയെത്തി നോബിളിനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

പെയിന്റിംഗ് തൊഴിലാളിയാണ് നോബിൾ. പിതാവ്: തോമസ്. മാതാവ്: ആനി. സഹോദരൻ: റോബിൻ. സംസ്കാരം കോക്കുന്ന് സെയ്ന്റ് ജോസഫ് പള്ളി സെമിത്തേരിയിൽ നടന്നു.