മൊബൈല് സ്ക്രീന് ഗാര്ഡില് കുടുങ്ങി അണലിക്കുഞ്ഞ്?
തളിപ്പറമ്പില് മൊബൈല് ഫോണിന്റെ സ്ക്രീന് ഗാര്ഡില് ഒട്ടിപ്പിടിച്ച നിലയില് അണലിക്കുഞ്ഞിനെ കണ്ടെത്തി. കണ്ണൂര് തളിപ്പറമ്പ് മാര്ക്കറ്റ് റോഡിന് സമീപമുള്ള മൊബൈല് ഷോപ്പിലാണ് സംഭവം. സ്ക്രീന് ഗാര്ഡിലെ പശയില് പാമ്പ് കുടുങ്ങിക്കിടക്കുന്നത് കണ്ട് കടയിലെ ജീവനക്കാരും കസ്റ്റമറും ഒരുപോലെ അമ്പരന്നു. മൊബൈല് കടയില് സ്ക്രീന് ഗാര്ഡുകള് സൂക്ഷിക്കുന്ന ബോക്സിനുള്ളില് നിന്നോ മറ്റോ അബദ്ധത്തില് പാമ്പ് കയറിക്കൂടിയതാകാമെന്നാണ് പ്രാഥമിക നിഗമനം. ഫോണിനുള്ളിലാണോ അതോ കടയിലെ സ്റ്റോക്കിനുള്ളിലാണോ പാമ്പ് ഇരുന്നതെന്ന കാര്യത്തില് ജീവനക്കാര്ക്കും വ്യക്തതയില്ല. സ്ക്രീന് ഗാര്ഡിന്റെ പശയില് പാമ്പ് കുടുങ്ങിക്കിടക്കുന്നത് ആദ്യമായാണ് കാണുന്നതെന്നും ചെറിയ കുഞ്ഞായതിനാലാണ് ഇത്തരത്തില് കുടുങ്ങിപ്പോയതെന്നും കടയുടമ പറഞ്ഞു.
കടയില് നന്നാക്കാന് നല്കിയ ഫോണിലെ പഴയ സ്ക്രീന് ഗാര്ഡ് മാറ്റുന്നതിനിടയിലാണ് അണലിക്കുഞ്ഞിനെ കണ്ടത്. ഉടന്തന്നെ ജീവനക്കാര് തളിപ്പറമ്പ് വനംവകുപ്പ് ഓഫീസില് വിവരമറിയിച്ചു. വനംവകുപ്പ് നിര്ദ്ദേശിച്ചതനുസരിച്ച് സ്ഥലത്തെത്തിയ പാമ്പ് പിടുത്തക്കാരന് പാമ്പിനെ വെളിച്ചെണ്ണ ഉപയോഗിച്ച് പശ വിടുവിക്കാന് ശ്രമിച്ചെങ്കിലും വിജയിച്ചില്ല. സ്ക്രീന് ഗാര്ഡുമായി പാമ്പിനെ വനംവകുപ്പ് ഓഫീസിലെത്തിച്ചു.
പിന്നീട് ഏറെനേരത്തെ പരിശ്രമത്തിനൊടുവില് പശയില് നിന്നും പാമ്പിനെ സുരക്ഷിതമായി വേര്പെടുത്തിയ ശേഷം ഉള്വനത്തില് തുറന്നുവിട്ടു.
https://www.facebook.com/Malayalivartha
