2023, 2024 വർഷങ്ങളിലെ സംസ്ഥാന സർക്കാരിന്റെ പരമോന്നത കലാ പുരസ്‌ക്കാരങ്ങളായ കഥകളി പുരസ്‌കാരം, പല്ലാവൂർ അപ്പുമാരാർ പുരസ്‌കാരം, കേരളീയ നൃത്ത നാട്യ പുരസ്‌കാരം എന്നിവ പുരസ്‌കൃതരായ പ്രമുഖ കലാകാരന്മാർക്ക് 11/02/2026 ന് (ഇന്ന്) രാവിലെ 11 മണിക്ക് തിരുവനന്തപുരം ഭാരത് ഭവനിൽ വെച്ച് ബഹു. സാംസ്‌കാരിക വകുപ്പ് മന്ത്രി ശ്രീ. സജി ചെറിയാൻ സമർപ്പിക്കും.

2023 ലെ പുരസ്‌കൃതർ - കഥകളി പുരസ്‌കാരം - കുറൂർ വാസുദേവൻ നമ്പൂതിരി, കലാമണ്ഡലം ശങ്കര വാരിയർ, പല്ലാവൂർ അപ്പു മാരാർ പുരസ്‌കാരം - മട്ടന്നൂർ ശങ്കരൻകുട്ടി മാരാർ കേരളീയ നൃത്ത നാട്യ പുരസ്‌കാരം - കലാമണ്ഡലം ഗിരിജാദേവി 2024 ലെ പുരസ്‌കൃതർ- കഥകളി പുരസ്‌കാരം - കലാനിലയം ഉണ്ണികൃഷ്ണൻ, കലാമണ്ഡലം രാമചന്ദ്രൻ ഉണ്ണിത്താൻ,പല്ലാവൂർ അപ്പു മാരാർ പുരസ്‌കാരം - ചോറ്റാനിക്കര വിജയൻ മാരാർ,കേരളീയ നൃത്ത നാട്യ പുരസ്‌കാരം - വിനീത നെടുങ്ങാടി എന്നിവർ പുരസ്‌കാരങ്ങൾ ഏറ്റുവാങ്ങും.

തിരുവനന്തപുരം ജില്ലാ പഞ്ചായത്ത് പ്രസിഡന്റ് വി പ്രിയദർശിനി, സാംസ്കാരിക വകുപ്പ് അഡിഷണൽ ചീഫ് സെക്രട്ടറി ഡോ. രാജൻ എൻ ഖൊബ്രഗഡെ, കലാമണ്ഡലം വൈസ് ചാൻസിലർ പ്രൊഫ. ബി. അനന്തകൃഷ്‌ണൻ, രജിസ്ട്രാർ ഡോ. രാജേഷ്‌കുമാർ.പി. തുടങ്ങിവർ സന്നിഹിതരാവും. രാവിലെ 10 മുതൽ 11 വരെ കഥകളിപ്പദക്കച്ചേരി അരങ്ങേറും.