നിയമസഭാ തിരഞ്ഞെടുപ്പിന് മുന്നോടിയായുള്ള പുതുക്കിയ അന്തിമ വോട്ടർപട്ടിക ഈ മാസം 21-ന് പ്രസിദ്ധീകരിക്കും. വോട്ടർപട്ടിക പുതുക്കലിന്റെ ഭാഗമായി സംസ്ഥാനത്തെ 62 നിയമസഭാ മണ്ഡലങ്ങളിൽ നോട്ടീസ് നൽകിയ മുഴുവൻ പേരുടെയും ഹിയറിങ് നടപടികൾ പൂർത്തിയായിക്കൊണ്ടിരിക്കുന്നതായി മുഖ്യ തിരഞ്ഞെടുപ്പ് ഓഫീസർ .

അർഹതയുള്ള ഒരാൾ പോലും പട്ടികയിൽ നിന്ന് പുറത്താകില്ലെന്ന് ഉറപ്പുവരുത്താനായി കർശന നിർദ്ദേശം നൽകി. ഹിയറിങ് നടപടികൾ വേഗത്തിൽ പൂർത്തിയാക്കിയതിൽ തിരുവനന്തപുരം, എറണാകുളം ജില്ലകളാണ് മുന്നിൽ. ഇരു ജില്ലകളിലും 14 മണ്ഡലങ്ങളിൽ വീതം ഹിയറിങ് പൂർത്തിയായി.

പാലക്കാട് 10 മണ്ഡലങ്ങളിലും ആലപ്പുഴയിൽ 9 മണ്ഡലങ്ങളിലും നടപടികൾ പൂർത്തിയായിട്ടുണ്ട്. ഡിസംബർ 23-ന് ആരംഭിച്ച ഹിയറിങ് ഇ‍ൗ മാസം 14-നാണ്‌ പൂർത്തിയാകുക.സംസ്ഥാനത്തെ വോട്ടർപട്ടിക സമഗ്രമായി പരിഷ്കരിക്കുന്നതിന്റെ അവസാന ഘട്ടത്തിലാണ് തിരഞ്ഞെടുപ്പ് കമ്മീഷൻ.