എം.സി റോഡില്‍ വെമ്പള്ളിക്ക് സമീപം ബൈക്കും വാനും കൂട്ടിയിടിച്ച് 23കാരന് ദാരുണാന്ത്യം. കടപ്ലാമറ്റം വയലാ ആനപ്പാറ സ്വദേശി ബിനോയുടെ മകന്‍ ജോസ്റ്റിന്‍ ബിനോയ് (23) ആണ് മരിച്ചത്. വ്യാഴാഴ്ച പുലര്‍ച്ചെ രണ്ട് മണിയോടെയായിരുന്നു നാടിനെ നടുക്കിയ ഈ അപകടം സംഭവിച്ചത്.

അമിതവേഗതയിലെത്തിയ വാഹനങ്ങള്‍ തമ്മില്‍ കൂട്ടിയിടിക്കുകയായിരുന്നുവെന്നാണ് പ്രാഥമിക നിഗമനം. പുലര്‍ച്ചെയായതിനാല്‍ റോഡില്‍ തിരക്ക് കുറവായിരുന്നു. അപകടം നടന്ന ഉടന്‍ തന്നെ നാട്ടുകാരും പോലീസും ചേര്‍ന്ന് ജോസ്റ്റിനെ ആശുപത്രിയില്‍ എത്തിക്കാന്‍ ശ്രമിച്ചെങ്കിലും ജീവന്‍ രക്ഷിക്കാനായില്ല. ഇടിയുടെ ആഘാതത്തില്‍ ബൈക്കിന് വലിയ തോതിലുള്ള നാശനഷ്ടങ്ങള്‍ സംഭവിച്ചിട്ടുണ്ട്.