കേരളത്തിൽ ഇന്ന് 24 മണിക്കൂർ നീണ്ടു നിൽക്കുന്ന പണിമുടക്ക് നടക്കുമ്പോൾ അപ്രതീക്ഷിതമായി മാധ്യമങ്ങൾക്ക് മുമ്പിലേക്ക് എത്തുകയാണ് ഒരു ഫുഡ് ഡെലിവറി ബോയ്.. അത് മറ്റാരുമല്ല കെഎസ്ആർഡിസി ഡ്രൈവറായിരന്നു യദു തന്നെ. പാവപ്പെട്ടവർ അന്ന് അന്ന് ജോലിക്ക് പോയാണ് കുടുംബം പുലർത്തുന്നത്. അത്തരത്തിലുള്ളവരുടെ കഞ്ഞിയിൽ മണ്ണിട്ടാകരുത് അവകാശങ്ങൾ നേടിയെടുക്കേണ്ടതെന്നാണ് യദുവിന്റെ പ്രതികരണം.

അതേ സമയം കുറച്ച് ദിവസങ്ങൾക്ക് മുമ്പ് മലയാളി വാർത്തയോട് യദു തന്റെ പുതിയ ജോലിയെ കുറിച്ച് സംസാരിച്ചിരുന്നു. മുന്‍മേയര്‍ ആര്യ രാജേന്ദ്രന്‍ നടുറോഡില്‍ കെഎസ്ആര്‍ടിസി ബസ് തടഞ്ഞ് കെഎസ്ആർടിസി ഡ്രൈവറുമായി വാക്കേറ്റമുണ്ടാക്കിയ സംഭവത്തിലെ ഡ്രൈവർ യദു ഇപ്പോൾ ഓൺലൈൻ ഭക്ഷണ വിതരണം ചെയ്യുകയാണ്. 2024 ഏപ്രില്‍ 27 ന് രാത്രി 10 മണിക്ക് പാളയം സാഫല്യം കോംപ്ലക്സിന് മുന്നിലായിരുന്നു ആര്യയും ഭര്‍ത്താവും എംഎല്‍എയുമായ സച്ചിന്‍ദേവും സഞ്ചരിച്ചിരുന്ന കാറില്‍ ബസ് തട്ടിയെന്ന് പറഞ്ഞ് തര്‍ക്കമുണ്ടായത്.

മേയറെയും മറ്റുള്ളവരെയും അശ്ലീല ആംഗ്യം കാണിച്ചെന്ന് പറഞ്ഞ് പൊലീസ് കേസെടുത്തതോടെ കെഎസ്ആര്‍ടിസി ഡ്രൈവറായിരുന്ന യദുവിന്‍റെ ജോലി നഷ്ടമായി. സംഭവത്തിന് ശേഷം വർങ്ങളായെങ്കിലും കേസെവിടെയുമെത്താത്തതിനാൽ തിരികെ ജോലിയിൽ പ്രവേശിക്കാൻ കഴിയാത്ത സാഹചര്യമാണെന്ന് യദു പറയുന്നു.