വര്ക്കലയില് പ്ലസ് വണ് വിദ്യാര്ത്ഥിനി വീടിനുള്ളില് തൂങ്ങിമരിച്ച നിലയില്
വര്ക്കലയില് സ്കൂള് വിദ്യാര്ത്ഥിനിയെ വീടിനുള്ളില് തൂങ്ങിമരിച്ച നിലയില് കണ്ടെത്തി. വെട്ടൂര് നെടുങ്കണ്ട ഹയര് സെക്കന്ഡറി സ്കൂളിലെ പ്ലസ് വണ് വിദ്യാര്ത്ഥിനി ശിവകാമി (17) ആണ് മരിച്ചത്. ഇന്ന് രാവിലെ പതിനൊന്നുമണിയോടെയായിരുന്നു സംഭവം. കിടപ്പുമുറിയില് തൂങ്ങിയ നിലയില് കണ്ടെത്തിയ ശിവകാമിയെ ഉടന്തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവസമയത്ത് ശിവകാമിയുടെ പിതാവ് മാത്രമാണ് വീട്ടിലുണ്ടായിരുന്നത്.
കുട്ടിയെ കാണാത്തതിനെ തുടര്ന്ന് നടത്തിയ തിരച്ചിലിലാണ് മുറിക്കുള്ളില് തൂങ്ങിയ നിലയില് കണ്ടെത്തിയത്. തുടര്ന്ന് പിതാവ് അയല്വാസികളെ വിവരമറിയിക്കുകയും ഉടന് തന്നെ ആശുപത്രിയില് എത്തിക്കുകയുമായിരുന്നു. മരണകാരണം സംബന്ധിച്ച് നിലവില് സൂചനകളൊന്നും ലഭ്യമല്ല. വര്ക്കല പൊലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.
https://www.facebook.com/Malayalivartha
