തിരുവനന്തപുരം ചിത്രാഞ്ജലി സ്റ്റുഡിയോയ്ക്ക് സമീപം തീപിടിത്തം. ആളോഴിഞ്ഞ പ്രദേശത്തായിരുന്നു തീപിടിത്തം. വിഴിഞ്ഞം, ചാക്ക, തിരുവനന്തപുരം ഫയർ സ്റ്റേഷനുകളിൽ നിന്നും അ​ഗ്നി രക്ഷാ ഉദ്യോ​ഗസ്ഥർ സ്ഥലത്തുണ്ട്. കെട്ടിടങ്ങളിലേക്ക് തീ പടർന്നിട്ടില്ല. ആളപായമോ മറ്റ് നാശനഷ്ടങ്ങളോ റിപ്പോർട്ട് ചെയ്തിട്ടില്ല.

ഇന്ന് പുലർച്ചെ 6 ഓടെയാണ് തീപിടിത്തം ശ്രദ്ധയിൽപ്പെട്ടത്. പുക ഉയരുന്നത് കണ്ടതോടെ സമീപവാസികൾ അ​ഗ്നി രക്ഷാ സേനയെ വിവരം അറിയിച്ചു. തീ പൂർണമായും നിയന്ത്രണവിധേയമായെന്ന് ഉദ്യോ​ഗസ്ഥർ പറഞ്ഞു. തീപിടിത്തത്തിന്റെ കാരണം അറിവായിട്ടില്ല.