നേട്ടത്തോടെ വ്യാപാരം ആരംഭിച്ച ഓഹരി വിപണിയിൽ കനത്ത ഇടിവ്. ബിഎസ്ഇ സെൻസെക്‌സ് 700 പോയിന്റ് ആണ് താഴ്ന്നത്. നിഫ്റ്റി 25,700 എന്ന സൈക്കോളജിക്കൽ ലെവലിനും താഴെയാണ് വ്യാപാരം

16 സെക്ടറുകളിൽ 13 ഇടത്തും വിൽപ്പന സമ്മർദ്ദം ദൃശ്യമായി. സ്‌മോൾ ക്യാപ്, മിഡ് ക്യാപ് ഓഹരികളെല്ലാം കനത്ത നഷ്ടമാണ് നേരിട്ടത്. കഴിഞ്ഞ മൂന്ന് ദിവസത്തിനിടെ 1.4 ശതമാനത്തിന്റെ മുന്നേറ്റം രേഖപ്പെടുത്തിയ ശേഷമാണ് വിപണിയിലെ ഇടിവ്.

എണ്ണവില ഉയരുന്നതാണ് വിപണിക്ക് പ്രതികൂലമായ മറ്റൊരു ഘടകം. പ്രധാനമായി ട്രെൻഡ്, ഇന്റർഗ്ലോബ് ഏവിയേഷൻ, അദാനി എന്റർപ്രൈസസ്, ജെഎസ്ഡബ്ല്യൂ സ്റ്റീൽ, പവർ ഗ്രിഡ് കോർപ്പറേഷൻ, മഹീന്ദ്ര ആന്റ് മഹീന്ദ്ര, ഭാരത് ഇലക്ട്രോണിക്‌സ്, ഏഷ്യൻ പെയിന്റ്‌സ് ഓഹരികളാണ് നഷ്ടം നേരിട്ടത്.

അതേസമയം ഐടി ഓഹരികൾ നേട്ടം ഉണ്ടാക്കുകയും ചെയ്തു.