ശസ്ത്രക്രിയയ്ക്കിടെ വയറ്റില് മറന്നുവച്ച കത്രികയുമായി വീട്ടമ്മ 5 വര്ഷമായി ദുരിതത്തില്
അഞ്ച് വര്ഷം മുമ്പ് വണ്ടാനം മെഡിക്കല് കോളജ് ആശുപതിയില് ശസ്ത്രക്രിയയ്ക്ക് വിധേയയായ വീട്ടമ്മയുടെ വയറ്റില് കത്രിക. 5 വര്ഷം മുന്പ് ഗര്ഭപാത്രം നീക്കം ചെയ്ത പുന്നപ്ര തെക്ക് നാല്പ്പതില് ചിറയില് ഉഷ ജോസഫിന്റെ (51) വയറ്റിലാണ് എക്സ്റേ എടുത്തപ്പോള് കത്രിക കണ്ടത്. കടുത്ത വയറു വേദനയും മൂത്രത്തില് രക്തവും കണ്ടതിനെ തുടര്ന്ന് ഉഷ ചികിത്സ തേടിയിരുന്നു.
സ്വകാര്യ ആശുപത്രിയില് നടത്തിയ പരിശോധനയില് ഡോക്ടറുടെ നിര്ദേശ പ്രകാരമാണ് എക്സ്റേ എടുത്തത്. 2021 മേയ് 3 ന് ആയിരുന്നു ഉഷ ഗര്ഭപാത്രം നീക്കം ചെയ്യല് ശസ്ത്രക്രിയയ്ക്ക് വിധേയയായത്.
ശസ്ത്രക്രിയയ്ക്ക് ശേഷം വേദന അനുഭവപ്പെട്ടതിനാല് വര്ഷങ്ങളായി ഉഷ മരുന്നു കഴിക്കുകയായിരുന്നു. ഇതേകാരണത്താല് വീണ്ടും വണ്ടാനത്ത് എത്തിയപ്പോള് മൂത്രത്തില് കല്ലെന്നു പറഞ്ഞ് മടക്കി അയച്ചു. സംഭവത്തില് പരാതി നല്കുമെന്ന് യുവതിയുടെ കുടുംബം പറഞ്ഞു.
https://www.facebook.com/Malayalivartha
