ശബരിമല സ്വര്ണക്കൊള്ള കേസില് തന്ത്രിയുടെ ജാമ്യവിധിയില് അസാധാരണത്വമെന്ന് മന്ത്രി പി രാജീവ്
ശബരിമല സ്വര്ണക്കൊള്ളയില് തന്ത്രി കണ്ഠരര് രാജീവര്ക്ക് ജാമ്യം അനുവദിച്ച കൊല്ലം വിജിലന്സ് കോടതി വിധിയില് അസാധാരണത്വമെന്ന് നിയമമന്ത്രി പി രാജീവ്. അവസാന വിധി പോലെ ആയിരുന്നു ജാമ്യ വിധിയെന്നും പ്രത്യേക അന്വേഷണ സംഘത്തിന്റെ മേല്നോട്ട ചുമതല വഹിക്കുന്നത് ഹൈക്കോടതി ആണെന്നും അതില് സര്ക്കാര് അഭിപ്രായം പറയേണ്ട ആവശ്യമില്ലെന്നും മന്ത്രി വ്യക്തമാക്കി.
ജാമ്യ ഉത്തരവിനെതിരെ ടകഠ ഹൈക്കോടതിയെ സമീപിക്കും. ജാമ്യ ഉത്തരവിലെ പരാമര്ശങ്ങള് നീക്കണമെന്നാണ് ആവശ്യം.പരാമര്ശങ്ങള് കേസില് തിരിച്ചടിയാകുമെന്ന് ചൂണ്ടിക്കാട്ടിയാണ് ടകഠ ഹൈക്കോടതിയെ സമീപിക്കുക. അതേസമയം, സംസ്ഥാനത്തെ പൊതുജനാരോഗ്യ സംവിധാനങ്ങളെ തകര്ക്കാന് ആസൂത്രിതമായ നീക്കങ്ങള് നടക്കുന്നുണ്ടെന്നും ഇതിനെതിരെ കര്ശന നിലപാട് സ്വീകരിക്കുമെന്നും മന്ത്രി പി രാജീവ് പറഞ്ഞു. ഒരു സ്ത്രീ കൂടിയായ ആരോഗ്യ മന്ത്രിയുടെ വസതിയില് റീത്ത് വെച്ചുകൊണ്ടുള്ള പ്രതിഷേധം തികച്ചും തെറ്റായ രീതിയാണെന്നും സംസ്കാരശൂന്യമായ ഇത്തരം പ്രവണതകള് ജനാധിപത്യത്തിന് ചേര്ന്നതല്ലെന്നും അദ്ദേഹം വിമര്ശിച്ചു.
സ്വകാര്യ ആശുപത്രികളിലും പിഴവുകള് സംഭവിക്കാറില്ലേ എന്ന് ചോദിച്ച മന്ത്രി, സര്ക്കാര് ആശുപത്രികളിലെ വീഴ്ചകളെ മാത്രം പര്വ്വതീകരിച്ച് കാണിച്ച് പൊതുസംവിധാനത്തെ തകര്ക്കാനാണ് ചിലര് ശ്രമിക്കുന്നതെന്ന് ചൂണ്ടിക്കാട്ടി. എവിടെ പിഴവുകള് ഉണ്ടായാലും സര്ക്കാര് കര്ശന നടപടി സ്വീകരിക്കുമെന്നും, എന്നാല് ബോധപൂര്വ്വമായ അനാസ്ഥയെ മാത്രമേ കുറ്റകരമായി കാണുന്നുള്ളൂ എന്നും അദ്ദേഹം വ്യക്തമാക്കി. സംസ്ഥാന ചരിത്രത്തില് ഏറ്റവും തസ്തികകള് ഉണ്ടായത് ഈ സര്ക്കാരിന്റെ സമയത്താണ്. ഇനിയും ആവശ്യമെങ്കില് തസ്തികകള് വര്ധിപ്പിക്കുമെന്നും മന്ത്രി കൂട്ടിച്ചേര്ത്തു.
https://www.facebook.com/Malayalivartha
