തിരുവനന്തപുരം കോര്പറേഷനില് സംഘര്ഷം
സിപിഎമ്മും കോണ്ഗ്രസും ബിജെപിക്കെതിരെ പ്രതിഷേധിച്ചതോടെ കോര്പറേഷന് കൗണ്സില് യോഗത്തില് സംഘര്ഷം. യുഡിഎഫ് അംഗങ്ങള് റജിസ്റ്ററില് ഒപ്പിടാന് ശ്രമിച്ചത് വിദ്യാഭ്യാസ–കായിക സ്റ്റാന്ഡിങ് കമ്മിറ്റി ചെയര്മാന് ചെമ്പഴന്തി ഉദയന് തടഞ്ഞു. യുഡിഎഫ് കൗണ്സിലറും പാര്ലമെന്ററി പാര്ട്ടി നേതാവുമായ കെ.എസ്. ശബരീനാഥനും ചെമ്പഴന്തി ഉദയനും തമ്മില് സംഘര്ഷമുണ്ടായി. ഉദയന്റെ ഷര്ട്ട് കീറിയതായി ബിജെപി ആരോപിച്ചു. വനിതാ അംഗങ്ങളെ ബിജെപി അംഗങ്ങള് കയ്യേറ്റം ചെയ്തതായി യുഡിഎഫും ആരോപിച്ചു. കൗണ്സില് 5 മിനിട്ടുകൊണ്ട് അവസാനിച്ചു. കഴിഞ്ഞ ദിവസത്തെ സംഘര്ഷത്തില് പരുക്കേറ്റ സിപിഎം കൗണ്സിലര്മാര് മെഡിക്കല് കോളജ് ആശുപത്രിയില് നിന്ന് വീല്ചെയറിലാണ് കൗണ്സില് യോഗത്തിനെത്തിയത്.
ബിജെപി കൗണ്സിലറും കാപ്പ കേസ് പ്രതിയുമായ ആര്.സുഗതന്റെ രാജി ആവശ്യപ്പെട്ട് എല്ഡിഎഫും യുഡിഎഫും തുടക്കം മുതല് പ്രതിഷേധം ആരംഭിച്ചിരുന്നു. മേയര് വി.വി.രാജേഷ് സീറ്റിലെത്തിയതോടെ പ്രതിഷേധം ശക്തമായി. സിപിഎം മെഡിക്കല് കോളജ് കൗണ്സിലര് സിന്ധു, കാട്ടായിക്കോണം കൗണ്സിലര് സിന്ധുശശി അണമുഖം കൗണ്സിലര് വീണ എന്നിവരെ ആംബുലന്ലസില് കോര്പറേഷന് വളപ്പില് എത്തിച്ചു. അതിനുശേഷം വീല് ചെയറില് ഹാളിലേക്ക് ഇവരെ എത്തിച്ചപ്പോള് ബഹളം ശക്തമായി. പ്രതിപക്ഷം നടുത്തളത്തിലേക്ക് ഇറങ്ങി മുദ്രാവാക്യം വിളിച്ചു. ബിജെപി പ്രവര്ത്തകരും പ്രതിപക്ഷത്തിനെതിരെ മുദ്രാവാക്യം വിളിച്ചു. ബഹളം ശക്തമായതോടെ നടപടികള് വേഗത്തില് പൂര്ത്തിയാക്കി മേയര് വി.വി.രാജേഷ് കൗണ്സില് യോഗം അവസാനിപ്പിച്ചു.
റജിസ്റ്ററില് ഒപ്പിടാന് യുഡിഎഫ് അംഗങ്ങള് ശ്രമിച്ചപ്പോള് ബിജെപി അംഗങ്ങള് തടഞ്ഞതോടെയാണ് സംഘര്ഷമുണ്ടായത്. റജിസ്റ്റര് യുഡിഎഫ് അംഗങ്ങളുടെ കൈവശമായിരുന്നു. തട്ടിയെടുക്കാന് ഉദയന് ശ്രമിച്ചതോടെ ശബരീനാഥുമായി പിടിവലിയായി. ഇരുവരും ഷര്ട്ടില് പിടിച്ചുവലിച്ചു ഉന്തും തള്ളുമായി. ഇതിനിടെ ഷര്ട്ട് കീറി. പാളയം കൗണ്സിലര് ഷെര്ലിക്കും സംഘര്ഷത്തിനിടെ പരുക്കേറ്റു. റജിസ്റ്ററില് ഒപ്പിടുമ്പോള് ചെമ്പഴന്തി ഉദയന് യുഡിഎഫ് വനിതാ അഗങ്ങളെ അടക്കം ആക്രമിച്ചതായി ശബരീനാഥന് പറഞ്ഞു. ശുചിത്വപ്രവര്ത്തനങ്ങള് നടക്കാത്തതിനാല് ഗുരുതരമായ ആരോഗ്യപ്രശ്നങ്ങളാണ് ഉണ്ടാകുന്നതെന്നും സുഗതന് വിഷയം ചര്ച്ച ചെയ്യാന് മേയര് തയാറായില്ലെന്നും സിപിഎം കൗണ്സിലര് എസ്.പി. ദീപക് പറഞ്ഞു. വന് പൊലീസ് സന്നാഹമാണ് കോര്പറേഷന് പരിസരത്ത് ഉണ്ടായിരുന്നത്.
https://www.facebook.com/Malayalivartha
