ലിവിങ് ടുഗതര് പങ്കാളിയെ തീ കൊളുത്തി കൊലപ്പെടുത്താന് ശ്രമിച്ച പ്രതി പൊലീസ് പിടിയില്
ചാലക്കുടിയില് യുവതിയെ കൊലപ്പെടുത്താന് ശ്രമിച്ച സംഭവത്തില് പ്രതിയായ സ്പാ ഉടമ പൊലീസ് പിടിയില്. പേരാമ്പ്ര വില്ലേജ് ശാസ്താംകുന്ന് സ്വദേശിയായ ശരത്ത് വിഷ്ണുവാണ് (34) പൊലീസിന്റെ പിടിയിലായത്. ലിവിങ് ടുഗതര് പങ്കാളിയായ യുവതിയെ കൊലപ്പെടുത്താനായിരുന്നു പ്രതിയുടെ ശ്രമം. കഴിഞ്ഞ ഒന്നരവര്ഷമായി ഇവര് വെള്ളാംഞ്ചിറയിലുള്ള വാടകവീട്ടില് ഒരുമിച്ചായിരുന്നു താമസം. ഈ മാസം 20ന് രാത്രി 10 മണിയോടെ പ്രതി യുവതിയുടെ ശരീരത്തില് മദ്യം ഒഴിച്ചു തീ കൊളുത്തുകയായിരുന്നു.
സംഭവത്തില് യുവതിക്ക് ഗുരുതരമായി പരുക്കേറ്റു. യുവതിയോട് ഇയാള്ക്കുണ്ടായിരുന്ന സംശയമാണ് കൊലപ്പെടുത്താനുള്ള ശ്രമത്തിന്റെ പിന്നിലെന്നാണ് വിവരം. യുവതിക്കുനേരെ മുന്പും ഇയാള് ശാരീരികമായ ആക്രമണങ്ങള് നടത്തിയിരുന്നതായി പൊലീസ് അന്വേഷണത്തില് കണ്ടെത്തി.
'റെഡ് ചില്ലീസ്' എന്ന പേരില് പ്രതി ശരത്ത് ചാലക്കുടി സൗത്തില് സ്പാ നടത്തി വരികയായിരുന്നു. ഈ സ്പായിലെ മുന് ജീവനക്കാരിയായിരുന്നു യുവതി. യുവതിയെ ഇയാള് വിവാഹവാഗ്ദാനം നല്കി ഒപ്പം താമസിപ്പിക്കുകയായിരുന്നു. പ്രതിയില് നിന്ന് രക്ഷപ്പെടാതിരിക്കാന് യുവതിയെ കൊല്ലുമെന്നും സ്വകാര്യ ചിത്രങ്ങള് സമൂഹമാധ്യമങ്ങള് വഴി പ്രചരിപ്പിക്കുമെന്നും ഇയാള് ഭീഷണിപ്പെടുത്തിയിരുന്നു എന്നും പൊലീസ് പറഞ്ഞു.
https://www.facebook.com/Malayalivartha
