'വന്ദേമാതരം' ആലപിച്ചത് പിന്നെയും വിവാദമായി..പോലീസ്ബാന്റ് ഇത്തവണ വെറും രണ്ടുവരി മാത്രമാണ് ആലപിച്ചത്.. ഗവര്ണര് സര്ക്കാരിനോട് വിശദീകരണം തേടുമോ..?
പതിനാറാം നിയമസഭയുടെ ഒന്നാം സമ്മേളനത്തില് വന്ദേമാതരത്തിന്റെ ആദ്യഭാഗം മാത്രം ആലപിച്ച് നടപടികള് തുടങ്ങിയത് കേരള രാഷ്ട്രീയത്തില് പുതിയൊരു വിവാദത്തിന് തിരികൊളുത്തിയേക്കും. നയപ്രഖ്യാപന പ്രസംഗത്തിനായി ഗവര്ണര് രാജേന്ദ്ര വിശ്വനാഥ് ആര്ലേക്കര് സഭയിലെത്തിയപ്പോഴാണ് ഈ നാടകീയ നീക്കമുണ്ടായത്. എന്നാല്, വന്ദേമാതരം മുഴുവനായി വായിക്കാതിരുന്നതിലൂടെ, പുതിയ യു.ഡി.എഫ് സര്ക്കാരിനെതിരെ പ്രതിപക്ഷം ഉയര്ത്താന് സാധ്യതയുണ്ടായിരുന്ന മറ്റ് പല ഭരണപരമായ വിവാദങ്ങളെയും ചര്ച്ചകളെയും സഭയുടെ
തുടക്കത്തില് തന്നെ വഴിതിരിച്ചുവിടാന് വി.ഡി. സതീശന് സര്ക്കാരിന് കഴിഞ്ഞുവെന്നാണ് രാഷ്ട്രീയ നിരീക്ഷകരുടെ വിലയിരുത്തല്.കഴിഞ്ഞതവണ മുഴുവന് ആലപിക്കപ്പെട്ടതിന്റെ പേരില് വലിയ വിമര്ശനം ഉയര്ന്നതിന് പിന്നാലെ ദേശീയഗീതം വീണ്ടും ആലപിച്ചപ്പോഴും പ്രശ്നമായി. പോലീസ്ബാന്റ് ഇത്തവണ വെറും രണ്ടുവരി മാത്രമാണ് ആലപിച്ചത്.നേരത്തേ വന്ദേമാതരം മുഴുവന് ആലപിക്കണമെന്ന് ഗവര്ണര് നിര്ദേശിച്ചിരുന്നതായി വിവരമുണ്ട്.
എന്നാല് ഇതാദ്യമായി നയപ്രഖ്യാപന പ്രസംഗത്തിന് മുമ്പായി നിയമസഭയില് അവതരിപ്പിച്ചപ്പോള് ആദ്യരണ്ടുവരി ആലപിച്ച് നിര്ത്തുകയായിരുന്നു. ഇനി ഈ വിഷയത്തില് ഗവര്ണറുടെ ഭാഗത്തുനിന്ന് ഉണ്ടാകാനിടയുള്ള പ്രതികരണമാണ് ഏറെ നിര്ണ്ണായകമാകും. ദേശീയ ഗീതത്തിന്റെ പൂര്ണ്ണരൂപം ആലപിക്കാത്തതില് അതൃപ്തി രേഖപ്പെടുത്തിക്കൊണ്ട് ഗവര്ണര് സര്ക്കാരിനോട് വിശദീകരണം തേടുമോ എന്നാണ് ഇനി അറിയേണ്ടത്.നേരത്തെ വിഡി സതീശന്റെ സത്യപ്രതിജ്ഞാ ചടങ്ങില് വന്ദേഭാരതം മുഴുവനായി ആലപിച്ചിരുന്നു. ഗവര്ണറുടെ ഓഫീസാണ് പിന്നിലെന്നും അക്കാര്യം അറിഞ്ഞിരുന്നില്ലെന്നും വിഡി സതീശന് പ്രതികരിച്ചിരുന്നു.
ഈ സാഹചര്യത്തിലാണ് നിയമസഭയില് വന്ദേഭാരതം പൂര്ണ്ണമായും അവതരിപ്പിക്കാതിരുന്നത് എന്നാണ് സൂചന. ഭാരതാംബയുടെ പേരില് കഴിഞ്ഞതവണ ഇടതുസര്ക്കാരും ഗവര്ണറും തമ്മിലുള്ള പോര് വലിയ നിലയിലേക്ക് മാറിയിരുന്നു. സമാനഗതിയിലുള്ള ഒരു പ്രശ്നമായി ഇതും മാറുമോ എന്ന ആശങ്ക ഉയര്ന്നിട്ടുണ്ട്.
https://www.facebook.com/Malayalivartha
