പ്രധാനമന്ത്രി നരേന്ദ്രമോദിയെ സന്ദർശിച്ചപ്പോൾ നടനും തമിഴ്നാട് മുഖ്യമന്ത്രിയുമായ വിജയ് പിന്തുടർന്ന വസ്ത്രധാരണരീതിയെ വിമർശിച്ചും പ്രതിരോധിച്ചും സമൂഹമാധ്യമങ്ങളിൽ ചർച്ച. വെള്ള ഷർട്ടും ബ്ലാക് ബ്ലേസറും അണിഞ്ഞാണ് വിജയ് പ്രധാനമന്ത്രിയുമായി കൂടിക്കാഴ്ച നടത്തിയത്. എന്നാൽ, ഷർട്ടിന്റെ ആദ്യ ബട്ടണുകൾ ഇടാത്തതിനാൽ ഇതിനുള്ളിൽ വിജയ് ധരിച്ച ബനിയൻ കാണുന്നതാണ് വിമർശനത്തിന് ഇടയാക്കിയത്.

ഇപ്പോൾ വിജയ് കൂടുതലായും ധരിക്കുന്നത് അത്തരത്തിലുള്ള വസ്ത്രങ്ങൾ ആണ് . പ്രധാനമന്ത്രിയുടെ ഓഫിസ് ആയ സേവാ തീർഥിൽ വച്ചായിരുന്നു ഇരുവരുടെയും കൂടിക്കാഴ്ച. ഔദ്യോഗിക പരിപാടികളില്ലാം വൈറ്റ് ഷർട്ടും ബ്ലാക് ബ്ലേസറും ധരിച്ചാണ് വിജയ് എത്തുന്നത്. സത്യപ്രതിജ്ഞയ്ക്ക് എത്തിയപ്പോഴും വിജയ്‍യുടെ ഈ വസ്ത്രധാരണശൈലി നേടിയിരുന്നു. പക്ഷെ ഇവിടെ പ്രശ്നം ഉണ്ടായത്.

പ്രധാനമന്ത്രിയെ കാണാനെത്തിയപ്പോൾ ബ്ലേസറിനൊപ്പം ധരിച്ച ഷർട്ട് അലസമായിട്ടത് സമൂഹമാധ്യമങ്ങളിൽ ചിലരെ ചൊടിപ്പിക്കുകയായിരുന്നു.ഇത്ര ശ്രദ്ധയില്ലാതെ വസ്ത്രം ധരിച്ചാണോ പ്രധാനമന്ത്രിയെ കാണാൻ പോകേണ്ടത് എന്നാണ് വിമർശകർ ചോദിക്കുന്നത്. വിജയ് ഇത്തരം കാര്യങ്ങളിൽ കൂടുതൽ ശ്രദ്ധപുലർത്തേണ്ടിയിരിക്കുന്നുവെന്നും അവർ പറഞ്ഞു. എന്നാൽ ഇത് വിജയ്‌യുടെ ലാളിത്യമാണ് കാണിക്കുന്നതെന്നാണ് അദ്ദേഹത്തെ പിന്തുണയ്ക്കുന്നവർ പറയുന്നത്.

വിമർശിക്കാൻമാത്രം ഒന്നും ഇക്കാര്യത്തിലില്ലെന്നും അവർ ചൂണ്ടിക്കാട്ടുന്നു.കരൂർ ദുരന്തവുമായി ബന്ധപ്പെട്ട സിബിഐയുടെ ചോദ്യം ചെയ്യലിനായാണ് ഇതിനുമുൻപ് വിജയ് ഡൽഹിയിലെത്തിയത്. ഇതിന് മാസങ്ങൾക്കുശേഷമുള്ള ഈ സന്ദർശനം തമിഴ്നാട് മുഖ്യമന്ത്രിയായിട്ടാണ്. ഈ നേട്ടത്തിന്റെ ശോഭ കെടുത്താനാണ് ഇത്തരം വിവാദങ്ങളെന്നും ആരാധകർ പറയുന്നു.