സി.എം.ആർ.എൽ - എക്സാലോജിക് സാമ്പത്തിക ഇടപാട് കേസിൽ പ്രതിപക്ഷ നേതാവ് പിണറായി വിജയന്റെ മകൾ വീണ വിജയനെതിരെയുള്ള നീക്കങ്ങൾ എൻഫോഴ്സ്മെന്റ് ഡയറക്ടറേറ്റ് അതിവേഗത്തിലാക്കുകയാണ്. കഴിഞ്ഞ ദിവസങ്ങളിൽ കൊച്ചിയിലും തിരുവനന്തപുരത്തുമായി നടന്ന പരമ്പര റെയ്ഡുകളിൽ നിർണ്ണായക കള്ളപ്പണ ഇടപാടുകളുടെ തെളിവുകൾ ലഭിച്ചതായാണ് ഇ.ഡി നൽകുന്ന സൂചന.പരിശോധനയിൽ കണ്ടെത്തിയ ഡിജിറ്റൽ രേഖകളുടെയും ബാങ്ക് അക്കൗണ്ടുകളുടെയും പ്രാഥമിക വിശകലനം കൊച്ചി സോണൽ ഓഫീസ് പൂർത്തിയാക്കി ഡൽഹിയിലെ ഇ.ഡി ഡയറക്ടറേറ്റിന് പ്രത്യേക റിപ്പോർട്ട് അയച്ചിട്ടുണ്ട്. കേന്ദ്ര ഡയറക്ടറേറ്റിൽ നിന്നുള്ള അന്തിമ അനുമതി ലഭിക്കുന്ന മുറയ്ക്ക് വീണ വിജയന് ചോദ്യം ചെയ്യലിന് ഹാജരാകാൻ ആവശ്യപ്പെട്ട് സമൻസ് നൽകാനാണ് നീക്കം. കേവലമൊരു ചോദ്യം ചെയ്യലിനപ്പുറം, തെളിവുകൾ നിരത്തി പ്രതിയെ കസ്റ്റഡിയിലെടുത്ത് ചോദ്യം ചെയ്യേണ്ട സാഹചര്യമാണ് നിലവിലുള്ളതെന്നാണ് അന്വേഷണ സംഘത്തിന്റെ വാദം.