പത്തുവര്‍ഷമായി നിയമത്തിന്റെ പേരുപറഞ്ഞ് ഉപദ്രവിക്കുകയാണ്, ഉപദ്രവം തുടര്‍ന്നാല്‍ വാര്‍ത്താസമ്മേളനം വിളിച്ച് പലതും തുറന്നുപറയേണ്ടിവരുമെന്ന് നടന്‍ ബാല. തനിക്ക് ആരുടേയും പേരെടുത്ത് ഒന്നും പറയാന്‍ കഴിയില്ല. അവര്‍ക്ക് എന്തുവേണമെങ്കിലും പറയാം. താന്‍ എത്ര സങ്കടമുണ്ടെങ്കിലും മനസില്‍വെച്ചുകൊണ്ടിരിക്കേണ്ട അവസ്ഥയാണെന്നും ഫെയ്‌സ്ബുക്കില്‍ പങ്കുവെച്ച വീഡിയോയില്‍ ബാല പറയുന്നു.

ബാലയുടെ വാക്കുകള്‍ ഇങ്ങനെയാണ്…

പറയണം എന്ന് തോന്നി, വേറെ മാര്‍ഗമില്ല. അടുത്ത കാലത്ത് കുറച്ച് വീഡിയോകള്‍ ഒക്കെ കണ്ടു. പത്തുകൊല്ലമായി ഒരു മനുഷ്യനെ ഉപദ്രവിച്ചുകൊണ്ടിരിക്കുകയാണ്, നിയമത്തിന്റെ പേരില്‍. പേരെടുത്ത് പറയാന്‍ പറ്റില്ല. അവര്‍ക്ക് എന്തുവേണമെങ്കിലും പറയാം. എനിക്ക് പറ്റില്ല. കാരണം ഞാനാണ്. പറയാന്‍ പാടില്ല, എത്ര സങ്കടമുണ്ടെങ്കിലും മനസില്‍വെക്കണം. ചിരിച്ചുകൊണ്ടേയിരിക്കണം. മാധ്യമങ്ങള്‍ നല്ല കാര്യങ്ങള്‍ ചെയ്യുന്നു. സത്യങ്ങള്‍ പുറത്തുകൊണ്ടുവരുന്നു. വ്യൂസിന് വേണ്ടി ചില അസത്യങ്ങളും പറയും. പക്ഷേ, മാധ്യമങ്ങളെപ്പോലും ചതിക്കുന്ന ഒരാളുണ്ട് കേരളത്തില്‍. അറിയാമോ?! ഒന്നുംവേണ്ട ഒന്നുംവേണ്ട എന്ന് പറഞ്ഞുനടക്കുന്ന ഒരാളുണ്ട് ഇവിടെ.

ഇതെല്ലാം പുറത്തുവന്നാല്‍… ഇന്ന് ഭാര്യയുടെ പിറന്നാളാണ്. കേസ്, കേസ്, കേസ്… എന്തുചെയ്യും ഞാന്‍. ഇവിടെ നിയമമുണ്ടോ? കേരളത്തിലെന്നല്ല, ലോകത്തുതന്നെ നിയമമുണ്ടോ? അപ്പോള്‍ എന്താണ് ചെയ്യേണ്ടത്. ഇനി എന്നെ ഉപദ്രവിച്ചാല്‍ വലിയ പ്രസ് മീറ്റ് വെക്കും. എല്ലാ സത്യങ്ങളും തുറന്നുപറയും. ഇത് നടക്കും, എഴുതിവെച്ചോ. സത്യങ്ങള്‍ തുറന്നുപറയും, അപ്പോള്‍ നിങ്ങള്‍ ഞെട്ടിപ്പോവും. എന്നെ വിഷം തന്ന് കൊല്ലൂ, രണ്ടുപേരേയും.