കേരളത്തില്‍ 91 സീറ്റുമായി അധികാരത്തിലേറിയെങ്കിലും സിപിഐഎമ്മിന് ദേശീയപാര്‍ട്ടി യെന്ന അംഗീകാരം നഷ്ട മാകുംഎന്ന സ്ഥിതി യാണ്.സിപിഐഎമ്മിന്റെ ദേശീയ പാര്‍ട്ടിയെന്ന പദവിക്ക് ഭീഷണിയായിരിക്കുന്നത് തമിഴ്‌നാട്ടിലേറ്റ തിരിച്ചടിയാണ്.
ദേശീയ പാര്‍ട്ടി പദവി നിലനിര്‍ത്താന്‍ മൂന്ന് നിബന്ധനങ്ങളാണ് ഉള്ളത്. ദേശീയ പാര്‍ട്ടി പദവി നഷ്ടമാകാതിരിക്കാന്‍ ലോക്‌സഭ തെരഞ്ഞെടുപ്പില്‍ നാലു സംസ്ഥാനങ്ങളില്‍ ആറു ശതമാനം വോട്ടോ അതുമല്ലെങ്കില്‍ മൂന്ന് സംസ്ഥാനങ്ങളില്‍ നിന്ന് ലോക്‌സഭയിലേക്ക് രണ്ട് ശതമാനം സീറ്റുകളോ(11 എണ്ണം) അതുമല്ലെങ്കില്‍ ഏതെങ്കിലും നാലു സംസ്ഥാനങ്ങളില്‍ സംസ്ഥാന പാര്‍ട്ടിയെന്ന പദവിയോ വേണം. എന്നാല്‍ ഈ മൂന്ന് നിബന്ധനകളിലൊന്നുപോലും നിലവിലെ അവസ്ഥയില്‍ സിപിഐഎമ്മിനില്ല.

തമിഴ്‌നാട്ടില്‍ നിലവിലുണ്ടായിരുന്ന 10 സീറ്റും ആറ് ശതമാനം വോട്ടും നിയമസഭാ തെരഞ്ഞെടുപ്പ് ഫലം വന്നതോടെ നഷ്ടമായി. തമിഴ്‌നാട്ടില്‍ ഒരു സീറ്റ് പോലും ഇക്കുറി നേടാന്‍ സിപിഐഎമ്മിനായില്ല. 0.7 ശതമാനം മാത്രമാണ് സിപിഐഎമ്മിന് ലഭിച്ച വോട്ട് ഷെയര്‍. അതോടെ തമിഴ്‌നാട്ടിലെ പാര്‍ട്ടി സംസ്ഥാന പദവിയും നഷ്ടമാകും. തമിഴ്‌നാട്ടില്‍ കുറഞ്ഞത് 7 സീറ്റെങ്കിലും കിട്ടിയിരുന്നെങ്കില്‍ മാത്രമേ സിപിഐഎമ്മിന് ദേശീയ പാര്‍ട്ടി എന്ന പദവി നിലനിര്‍ത്താന്‍ പറ്റുമായിരുന്നുള്ളൂ.

ആറ് ശതമാനം വോട്ടും സംസ്ഥാന പാര്‍ട്ടിയെന്ന പദവിയും നിലവിലുള്ളത് കേരളം, പശ്ചിമ ബംഗാള്‍, ത്രിപുര എന്നീ സംസ്ഥാനങ്ങളില്‍ മാത്രം. ലോക് സഭയില്‍ മൂന്ന് സംസ്ഥാനങ്ങളില്‍ നിന്നായി 9 എംപിമാര്‍ മാത്രമാണ് സിപിഐഎമ്മിനുള്ളത്.

2000-ത്തില്‍ ദേശീയ പാര്‍ട്ടി പദവി നഷ്ടമായ സിപിഐഎമ്മിന് തിരഞ്ഞെടുപ്പ് കമ്മീഷന്റെ ഇളവുകളെത്തുടര്‍ന്നാണ് ഈ സ്ഥാനം തിരിച്ചുകിട്ടിയത്. ലോക്‌സഭാ തെരഞ്ഞെടുപ്പില്‍ വോട്ട് കുറഞ്ഞതിനെ തുടര്‍ന്ന് സിപിഐ, എന്‍സിപി, ബിഎസ്പി, എന്നീ രാഷ്ട്രീയ പാര്‍ട്ടികളുടെ ദേശീയപദവി നഷ്ടമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha