ഐസിസി ലോകകപ്പ് ടീമില് സഞ്ജു സാംസണ് ഓപ്പണര്, 12 അംഗ ടീമില് ഇന്ത്യന് ടീമില്നിന്ന് നാലു പേര്
ഐസിസി ട്വന്റി20 ലോകകപ്പ് ടീമില് ഇടം പിടിച്ച് സഞ്ജു സാംസണ്. സഞ്ജുവുള്പ്പടെ നാല് ഇന്ത്യന് താരങ്ങളാണ് 12 അംഗ ടീമിലുള്ളത്. ഇഷാന് കിഷന്, ഹാര്ദിക് പാണ്ഡ്യ, ജസ്പ്രീത് ബുമ്ര എന്നീ താരങ്ങളും ടീമിലെത്തി. ലോകകപ്പില് അഞ്ച് മത്സരങ്ങള് മാത്രം കളിച്ച സഞ്ജു മൂന്ന് അര്ധസെഞ്ചറികളുള്പ്പടെ 321 റണ്സെടുത്ത് ടൂര്ണമെന്റിലെ താരമായിരുന്നു. അതിനു പിന്നാലെയാണ് ഐസിസി ടീമിലും സ്ഥാനം ലഭിച്ചത്.
എയ്ഡന് മാര്ക്രം ക്യാപ്റ്റനായുള്ള ടീമില് ഓപ്പണിങ് ബാറ്ററും വിക്കറ്റ് കീപ്പറുമാണു സഞ്ജു. അതേസമയം ഇന്ത്യയ്ക്കെതിരെ ഫൈനല് കളിച്ച ന്യൂസീലന്ഡ് ടീമില്നിന്ന് ആരും പട്ടികയില് ഇല്ല. പാക്കിസ്ഥാന്റെ സഹിബ്സദ ഫര്ഹാനാണ് സഞ്ജുവിനൊപ്പം ഐസിസി ടീമിലെ ഓപ്പണര്. ലോകകപ്പിന്റെ തുടക്കത്തില് ഇന്ത്യന് ടീമില് ഇടം ലഭിക്കാതിരുന്ന സഞ്ജു, വെസ്റ്റിന്ഡീസിനെതിരായ സൂപ്പര് എട്ട് പോരാട്ടത്തില് 97 റണ്സെടുത്തു പുറത്താകാതെനിന്നതോടെയാണ് ലോകകപ്പില് ഗംഭീര തിരിച്ചുവരവ് നടത്തിയത്.
സെമി ഫൈനലില് ഇംഗ്ലണ്ടിനെതിരെയും ഫൈനലില് ന്യൂസീലന്ഡിനെതിരെയും 89 റണ്സ് വീതം നേടി പുറത്തായി. ട്വന്റി20 ലോകകപ്പില് തുടര്ച്ചയായി മൂന്ന് ഇന്നിങ്സുകളില് 80ന് മുകളില് സ്കോര് കണ്ടെത്തുന്ന രണ്ടാമത്തെ മാത്രം ബാറ്ററാണ് സഞ്ജു. അതേസമയം ഇന്ത്യയെ ലോകകപ്പ് വിജയിപ്പിച്ച ക്യാപ്റ്റന് സൂര്യകുമാര് യാദവിന് ടീമില് ഇടം ലഭിച്ചില്ല.
ഐസിസിയുടെ ടീം ഓഫ് ദ് ടൂര്ണമെന്റ്– സഹിബ്സദ ഫര്ഹാന് (പാക്കിസ്ഥാന്), സഞ്ജു സാംസണ്, ഇഷാന് കിഷന്, എയ്ഡന് മാര്ക്രം (ക്യാപ്റ്റന്, ദക്ഷിണാഫ്രിക്ക), ഹാര്ദിക് പാണ്ഡ്യ, വില് ജാക്സ് (ഇംഗ്ലണ്ട്), ജേസണ് ഹോള്ഡര് (വെസ്റ്റിന്ഡീസ്), ജസ്പ്രീത് ബുമ്ര, ലുങ്കി എന്ഗിഡി (ദക്ഷിണാഫ്രിക്ക), ആദില് റഷീദ് (ഇംഗ്ലണ്ട്), ബ്ലെസിങ് മുസരബനി (സിംബാബ്!വെ), ഷാഡ്ലി വാന് ഷാക്വിക് (യുഎസ്).
https://www.facebook.com/Malayalivartha
