വാക്കുപാലിക്കാന്‍ കേന്ദ്രം. തിരച്ചടി കിട്ടയത് വെള്ളാപ്പള്ളിക്ക്. കേരളത്തില്‍ ആദ്യ താമരവിരിയിച്ച ബിജെപിയ്ക്കു കേന്ദ്രത്തിന്റെ വക സമ്മാനം. ബിജെപിയുടെ ഏക എംപി സുരേഷ്‌ഗോപിയ്ക്കു കേന്ദ്ര മന്ത്രിസ്ഥാനം നല്‍കിയാണ് ബിജെപി വാഗ്ദാനം നിറവേറ്റുന്നത്. കേന്ദ്രത്തിലെ സഹമന്ത്രിസ്ഥാനം സുരേഷ്‌ഗോപിക്കു നല്‍കുന്നതു സംബന്ധിച്ചു കഴിഞ്ഞ ദിവസം ബിജെപി ദേശീയ അധ്യക്ഷന്‍ അമിത് ഷാ, സംസ്ഥാന അധ്യക്ഷന്‍ കുമ്മനം രാജേശേഖരനുമായി ചര്‍ച്ച നടത്തിയിരുന്നു.
ബിജെപിക്കു കേരളത്തില്‍ ശക്തമായ മത്സരം കാഴ്ച വയ്ക്കാനും, ഒരു സീറ്റ് വിജയിക്കാനും സാധിച്ചത് സുരേഷ്‌ഗോപിയുടെ കൂടി ശക്തമായ പിന്‍തുണ ലഭിച്ചതിനെ തുടര്‍ന്നാണെന്നു കുമ്മനം രാജശേഖരന്‍ ബിജെപി കേന്ദ്ര നേതൃത്വത്തെ ബോധ്യപ്പെടുത്തിയിട്ടുണ്ട്. ഈ സാഹചര്യത്തിലാണ് സംസ്ഥാനത്ത് ബിജെപി നേടിയ തിളക്കമാര്‍ന്ന നേട്ടത്തിന്റെ കൂടി പങ്കാളി എന്ന നിലയില്‍ സുരേഷ് ഗോപിയ്ക്കു കേന്ദ്രമന്ത്രി സ്ഥാനം നല്‍കാന്‍ ഒരുങ്ങുന്നത്.
കേന്ദ്ര ആഭ്യന്തര സഹമന്ത്രി, വാണിജ്യകാര്യ സഹമന്ത്രി, വിദേശകാര്യ സഹമന്ത്രി എന്നീ സ്ഥാനങ്ങളില്‍ ഒന്നാണ് ഒരുങ്ങുന്നത്. അടുത്ത ആഴ്ച തന്നെ ഇതു സംബന്ധിച്ചു പ്രഖ്യാപനം ഉണ്ടായേക്കും. കേന്ദ്രത്തില്‍ ഒരു മാസത്തിനുള്ളിലുണ്ടാകുന്ന മന്ത്രിസഭയുടെ അഴിച്ചു പണിയിലാണ് ഇപ്പോള്‍ സുരേഷ് ഗോപിയെയും ഉള്‍പ്പെടുത്താന്‍ ഒരുങ്ങുന്നത്. തിരഞ്ഞെടുപ്പിനു തൊട്ടുമുന്‍പ് സുരേഷ് ഗോപിയ്ക്കു എംപി സ്ഥാനം നല്‍കിയത് തിരഞ്ഞെടുപ്പില്‍ വന്‍ നേട്ടമായെന്നും കേന്ദ്ര നേതൃത്വം കരുതുന്നു. ഈ സാഹചര്യത്തിലാണ് ബിജെപി ഇപ്പോള്‍ സുരേഷ് ഗോപിയെ കേന്ദ്രമന്ത്രിയാക്കി കേരളത്തില്‍ കൂടുതല്‍ നേട്ടമുണ്ടാക്കാന്‍ ഒരുങ്ങുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha