നിയമസഭാ തെരഞ്ഞെടുപ്പില്‍ വിജയം പ്രതീക്ഷിച്ച് പത്തനാപുരം മണ്ഡലത്തില്‍ നടന്‍ ജഗദീഷ് എടുത്ത വാടകവീട് ആളനക്കില്ലാതെ ശോകമൂകം. വോട്ടെണ്ണല്‍ ദിവസം രാവിലെ പത്ത് മണി വരെ സജീവമായിരുന്ന വീടിന്റെ ഗേറ്റ് ഇപ്പോള്‍ പൂട്ടിയ നിലയിലാണ്. നഗരത്തില്‍ പാര്‍ട്ടി ഓഫീസിനോട് ചേര്‍ന്നാണ് ഈ രണ്ട് നില വീട് സ്ഥിതി ചെയ്യുന്നത്. പത്തനാപുരത്ത് താന്‍ ജയിക്കുമെന്ന വിശ്വാസത്തിലായിരുന്നു ജഗദീഷ്.

ജയിച്ചു കഴിഞ്ഞാല്‍ മണ്ഡലത്തില്‍ സ്ഥിരതാമസമാക്കുന്നതിന് വേണ്ടി എടുത്ത വീട് പ്രവാസി മലയാളിയുടെ ഉടമസ്ഥതയിലുള്ളതാണ്. ഒരു വര്‍ഷത്തേക്കാണ് വീട് വാടയ്ക്ക് എടുത്തത്. പത്തനാപുരത്ത് ജയിച്ചാല്‍ സിനിമ കുറച്ച് മണ്ഡലത്തില്‍ താമസമാക്കുമെന്ന് പ്രചരണ യോഗങ്ങളില്‍ ജഗദീഷ് പ്രസംഗിച്ചിരുന്നു. താമസം മാറുന്നതിന്റെ ഭാഗമായി വീട്ടിലേക്ക് ആവശ്യമായ ഫര്‍ണിച്ചറുകള്‍ വാങ്ങുകയും ഭാര്യ ഡോ. രമ, മകള്‍, കൊച്ചുമകള്‍ എന്നിവരെ ഇങ്ങോട്ടേയ്ക്ക് കൊണ്ടു വരികയും ചെയ്തിരുന്നു.

തെരഞ്ഞെടുപ്പ് പ്രചരണത്തിനിടെ രാവിലെ ആറ് മുതല്‍ സജീവമായിരുന്ന വീടാണ് ഇപ്പോള്‍ ആളൊഴിഞ്ഞ് കിടക്കുന്നത്. പരാജയപ്പെട്ട സാഹചര്യത്തില്‍ ഈ ആഴ്ച തന്നെ ജഗദീഷ് വീടൊഴിയു. പത്തനാപുരത്ത് ബി.ജെ.പി സ്ഥാനാര്‍ത്ഥിയായി മത്സരിച്ച നടന്‍ ഭീമന്‍ രഘുവും വിളക്കുടി പഞ്ചായത്തിലെ ഇളന്പലില്‍ വാടക വീട് എടുത്തിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha