അമീറുള്ളിന്റെ സുഹൃത്തിനേയും പൊലീസ് തേടുന്നു.. അമീറിനെ സ്ഥിരമായി ബൈക്കില് കൊണ്ടുവിടാറുള്ള വെളുത്ത യുവാവിനെത്തേടി പോലീസ്
അമീറിനെ ചുറ്റിപ്പറ്റിയുള്ള ദുരൂഹതകള് നീങ്ങുന്നില്ല. അതിനിടെ ഇന്ന് കൂടുതല് വെളിപ്പെടുത്തല് ഉണ്ടാകും എന്ന് ഡിജിപി. കൃത്യമായി കൂലിപ്പണിക്കു പോകുന്ന ശീലക്കാരനായിരുന്നില്ല അമീര്. എന്നാല് വളരെയധികം പണം ഇയാളുടെ പക്കലുണ്ടായിരുന്നതായി വിവരം ലഭിച്ചിട്ടുണ്ട്. കൊലപാതകദിവസം വൈകിട്ട് കടന്നുകളഞ്ഞെന്ന് ഒപ്പം താമസിച്ചിരുന്നവര് പറയുന്നു. ഇരിങ്ങോള് വൈദ്യശാലപ്പടിയിലെ കളമ്പാടന് ബില്ഡിങ്ങിലെ മൂന്നാം നിലയിലാണ് അമീര് താമസിച്ചിരുന്നത്. സംഭവം നടന്ന ഏപ്രില് 28നു ജോലിക്കു പോയില്ല. കൂടെ താമസിച്ചവരുടെ മറ്റ് വെളിപ്പെടുത്തലും സംശയങ്ങള് ഏറെ നല്കുന്നതാണ്.
പലപ്പോഴും രാത്രി കാലങ്ങളില് അപരിചിതനായ ഒരാള്ക്കൊപ്പമാണ് അമീര് ലോഡ്ജില് മടങ്ങി എത്തിയിരുന്നത്. ഇത്തരം സന്ദര്ഭങ്ങളില് മൊബൈല് ഫോണ് മുറിയില് ചാര്ജ് ചെയ്യാന് വച്ചിട്ടു പോവുന്നതായിരുന്നു രീതി. അല്ലാത്ത ദിവസങ്ങളില് ലോഡ്ജ് മുറിയില് മദ്യപിക്കുന്നതു പതിവാക്കിയിരുന്ന അമീര് രാത്രി വൈകി അജ്ഞാത യുവാവിനൊപ്പം എത്തുന്ന ദിവസങ്ങളില് മദ്യപിക്കാറില്ലെന്ന വിവരവും പൊലീസിനു ലഭിച്ചിട്ടുണ്ട്. പലപ്പോഴും പാതിരാത്രി കഴിഞ്ഞ് ഇയാളെ ലോഡ്ജ് മുറിയില് ഇരുചക്രവാഹനത്തില് കൊണ്ടുവിട്ടിരുന്ന യുവാവിനെക്കുറിച്ചും സൂചന ലഭിച്ചിട്ടുണ്ട്. ഈ യുവാവിനെ അറസ്റ്റ് ചെയ്യാന് പൊലീസ് നീക്കം തുടങ്ങി.
വൈദ്യശാലപ്പടിയില്നിന്ന് കൊല നടന്ന ദിവസം തന്നെ കടന്നുകളഞ്ഞു. രാത്രി ഏഴോടെ മുറിയിലെത്തിയപ്പോള് അമീറിനെ കണ്ടില്ലെന്നും ചെറിയ ബാഗുമായി പോയെന്നാണു കരുതുന്നതെന്നും ഒപ്പം താമസിച്ചിരുന്ന ബംഗാള് സ്വദേശി അന്താജ് ഷേര് പറ!ഞ്ഞു. വൈകിട്ടു ജോലി കഴിഞ്ഞു മടങ്ങിയെത്തിയപ്പോള് അമീര് മുറിയില് ഉണ്ടായിരുന്നെന്നു ബംഗാള് സ്വദേശികളായ മുഖ്ഷേര് റഹ്മാന്, റിംപാര് സര്ക്കാര്, ഹമാനന് മണ്ഡല് എന്നിവര് പറഞ്ഞു. പിന്നീടു പുറത്തുപോയി ചായ കുടിച്ചു മടങ്ങിയെത്തിയപ്പോള് കാണാതായി. ഏതായാലും സുഹൃത്തിന്റെ ഇടപെടലുകളും ദുരൂഹമാണ്.
ജിഷയെ കൊലപ്പെടുത്താനുണ്ടായ വൈരാഗ്യം സംബന്ധിച്ച് അമീര് ഇനിയും വിവരങ്ങള് വെളിപ്പെടുത്തേണ്ടതുണ്ട്. ഇയാളുടെ സുഹൃത്തിന് എന്തെങ്കിലും അറിയാമോ എന്ന് കണ്ടെത്താനാണ് പൊലീസ് ശ്രമം. ജിഷ വധക്കേസില് വന് ഗുഡാലോചനയുണ്ടെന്ന വാദങ്ങള് സജീവമായി തുടരുന്നതിനാല് ഈ സുഹൃത്തിന്റെ മൊഴിയെടുക്കല് നിര്ണ്ണായകമാകും. കുറുപ്പംപടി ഇരിങ്ങോള് വൈദ്യശാലപ്പടിയിലെ ലോഡ്ജില് അമീറിനൊപ്പം താമസിച്ചിരുന്നവര്ക്ക് ഇയാളുടെ നീക്കങ്ങളെക്കുറിച്ചു വ്യക്തമായ അറിവില്ലെന്നും പൊലീസ് തിരിച്ചറിഞ്ഞിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
