പ്രിയപ്പെട്ടവന്റെ വേര്‍പാടില്‍ വിലപിക്കുന്ന ഭാര്യയേയും മക്കളേയും ആശ്വസിപ്പിക്കാന്‍ കഴിയാതെ ഉഴറുകയാണു ചെറുവിലാകത്തു വീട്ടിലെത്തുന്നവരെല്ലാം. ചെറുവിലാകത്തെ കുടുംബനാഥനായ ജോണ്‍ ഫിലിപ്പിനെ കാണാതായെന്ന വിവരം ബന്ധുക്കള്‍ക്കു ലഭിച്ചതു തിങ്കളാഴ്ചയാണ്.
പതിനഞ്ചു വര്‍ഷമായി ഒമാനിലെ സുനെയ്‌ന മേഖലയിലെ പെട്രോള്‍ പമ്പില്‍ ജോലി ചെയ്തു വരികയായിരുന്നു ജോണ്‍. പിതൃസഹോദരി പുത്രനും ഒമാനില്‍ ബ്രിട്ടീഷ് പെട്രോളിയം കമ്പനിയില്‍ ജോലിക്കാരനുമായ ആള്‍ മുഖേനയാണു ജോണ്‍ ഒമാനിലെത്തുന്നത്.
ഒന്നര പതിറ്റാണ്ടിനിടയില്‍ ഒരിക്കല്‍ പോലും ജോണ്‍ ജോലിയെക്കുറിച്ചോ ജീവിത സാഹചര്യങ്ങളെക്കുറിച്ചോ പരാതി പറഞ്ഞിരുന്നില്ലെന്നു ബന്ധുക്കള്‍ പറയുന്നു.
എല്ലാ ദിവസവും വീട്ടിലേക്കു വിളിച്ചിരുന്ന ജോണ്‍ ഭാര്യ ബിനുവിനോടും മക്കളായ റോണക്കിനോടും ആന്‍ മേരിയോടും സംസാരിച്ചിരുന്നു. മക്കളുടെ വിദ്യാഭ്യാസ കാര്യങ്ങളില്‍ ജോണ്‍ പ്രത്യേക ശ്രദ്ധ പുലര്‍ത്തുകയും ഇക്കാര്യങ്ങള്‍ ഭാര്യയോടു ദിവസവും തിരക്കുകയും ചെയ്തിരുന്നു.
അവധി ലഭിക്കുമ്പോഴെല്ലാം നാട്ടിലെത്തിയിരുന്ന ജോണിനെക്കുറിച്ചു നാട്ടുകാര്‍ക്കും പറയാനുള്ളതു നല്ലതു മാത്രം. രണ്ടു വര്‍ഷമായി അവധിക്കാലങ്ങളില്‍ ഭാര്യ ബിനുവും മക്കളും ഒമാനില്‍ ജോണിനൊപ്പമെത്തി താമസിച്ചിരുന്നു. സഹപ്രവര്‍ത്തകരുമായി സൗഹൃദവും അടുത്ത ബന്ധവും പുലര്‍ത്തിയിരുന്ന ജോണിനെ എന്തിനു കൊലപ്പെടുത്തിയെന്ന വീട്ടുകാരുടെ ചോദ്യത്തിനു മുന്നില്‍ ചെറുവിലാകത്തു വീട്ടില്‍ എത്തുന്നവര്‍ കുഴങ്ങുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha