വിഷയം രാഷ്ട്രീയമായി ഏറ്റെടുത്ത് കോണ്‍ഗ്രസ്. സിപിഎം പ്രതിരോധത്തില്‍. ജാതീയമായി അധിക്ഷേപിച്ചുവെന്ന് ആരോപിച്ച് സി.പി.എം പാര്‍ട്ടി ഓഫീസില്‍ കയറി പ്രവര്‍ത്തകനെ മര്‍ദ്ദിച്ച സംഭവത്തില്‍ അറസ്റ്റിലായ ദളിത് പെണ്‍കുട്ടികള്‍ ജയില്‍മോചിതരായി. കേസില്‍ അറസ്റ്റിലായ സഹോദരിമാരായ അഖില, അഞ്ജന എന്നിവര്‍ക്ക് തലശേരി സെഷന്‍സ് കോടതിയാണ് ജാമ്യം അനുവദിച്ചത്.
എല്ലാ ശനിയാഴ്ചയും അന്വേഷണ ഉദ്യോഗസ്ഥര്‍ക്ക് മുന്‍പാകെ ഹാജരാകണം. പാസ്‌പോര്‍ട്ട് ഹാജരാക്കണം എന്നീ ഉപാധികളോടെയാണ് ജാമ്യം അനുവദിച്ചത്. അഖിലയ്ക്കും അഞ്ജനയ്ക്കും ഒപ്പം അഖിലയുടെ ഒന്നര വയസുള്ള കുഞ്ഞും ജയിലിലായിരുന്നു. ഇരുവരെയും ചോദ്യം ചെയ്യാന്‍ വിളിപ്പിച്ച ശേഷം എസ്.ഐ ഷാജു അറസ്റ്റ് ചെയ്യുകയായിരുന്നു.
കോണ്‍ഗ്രസ് ബ്ലോക്ക് സെക്രട്ടറിയും ദളിത് കോണ്‍ഗ്രസ് നേതാവുമായ എന്‍. രാജന്റെ മക്കളാണ് ഇരുവരും. അതേസമയം സംഭവത്തില്‍ സംസ്ഥാന പട്ടികജാതി, പട്ടിക വര്‍ഗ കമ്മീഷന്‍ കേസെടുത്തു. കമ്മീഷന്‍ യുവതികളെ സന്ദര്‍ശിക്കും. സൗജന്യ നിയമസഹായം ഉറപ്പാക്കുമെന്നും കമ്മീഷന്‍ വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha