ജിഷ വധക്കേസില്‍ കാക്കനാട് ജില്ലാ ജയിലില്‍ നടന്ന തിരിച്ചറിയല്‍ പരേഡില്‍ അയല്‍വാസി വീട്ടമ്മ അമീറിനെ തിരിച്ചറിഞ്ഞു. വീട്ടില്‍ നിന്നും ഇറങ്ങിപ്പോകുന്നത് കണ്ടു എ്ന്നാണ് വീട്ടമ്മ പറഞ്ഞിരിക്കുന്നത്. ഇവരെ കണ്ടതോടെ അമീര്‍ ഭാവവ്യത്യാസം പ്രകടിപ്പിക്കുകയും ചെയ്തു. ഇത് ശുഭ സൂചകം എന്നാണ് ഉദ്യോഗസ്ഥര്‍ പറയുന്നത്. കോടതിയില്‍ വീട്ടമ്മയെ ഐ വിറ്റ്‌നസ് ആക്കാനും ഉദ്യോഗസ്ഥര്‍ക്ക് പദ്ധതിയുണ്ട്. അയല്‍വാസി ശ്രീരേഖയാണ് പ്രതിയെ തിരിച്ചറിഞ്ഞത്. ഭര്‍ത്താവിനൊപ്പമാണ് ശ്രീരേഖ എത്തിയത്. പ്രതിയെ തിരിച്ചറിഞ്ഞ വിവരം മജിസിട്രേറ്റിനെ അറിയിക്കും. ശ്രീരേഖയെ മാത്രമാണ് തിരിച്ചറിയല്‍ പരേഡിന് എത്തിച്ചത്.

ജിഷയുടെ അമ്മയേയും സഹോദരിയേയും ഇന്ന് തിരിച്ചറിയല്‍ പരേഡില്‍ പങ്കെടുപ്പിച്ചില്ലെന്നാണ് സൂചന. പ്രതി മറ്റാര്‍ക്കോ വേണ്ടി കൊല നടത്തിയതാണെന്നും അന്വേഷണ സംഘം സംശയിക്കുന്നുണ്ട്. ഇക്കാര്യത്തില്‍ വ്യക്തത വരുത്താനുള്ള അന്വേഷണവും പുരോഗമിക്കുകയാണ്. 

ജിഷ കൊലക്കേസ് അന്വേഷണവുമായി ബന്ധപ്പെട്ട് ദുരൂഹത തുടരുകയാണ്. കുളിക്കടവില്‍ രാജേശ്വരിയും മറ്റൊരാളും അമിയൂര്‍ ഉള്‍ ഇസ്ലാമിനെ മര്‍ദിച്ചതിനെ തുടര്‍ന്നുണ്ടായ പ്രതികാരമാണ് ജിഷയെ കൊല്ലാന്‍ കാരണം എന്നായിരുന്നു അന്വേഷണ സംഘത്തിന്റെ ആദ്യ വെളിപ്പെടുത്തല്‍. 
പിന്നീട് ജിഷയെ അമിയൂറിന് വിവാഹം കഴിച്ചു നല്‍കാമെന്ന് അമ്മ രാജേശ്വരി ഉറപ്പു നല്‍കിയിരുന്നെന്നും പിന്നീട് ഇക്കാര്യം പറഞ്ഞ് പ്രലോഭിപ്പിച്ച് പ്രതിയില്‍ നിന്നും പലപ്പോഴും പണം വാങ്ങിയെന്നുമാണ് പുതിയ വെളിപ്പെടുത്തല്‍. പണം വാങ്ങിയ ശേഷം ജിഷയെ വിവാഹം ചെയ്തു നല്‍കാത്തതിലുള്ള വിരോധമാണ് കൊലപാതകത്തില്‍ കലാശിച്ചതെന്നും പറയുന്നു. 
കേസുമായി ബന്ധപ്പെട്ട് കസ്റ്റഡിയിലെടുത്ത 26 പേരുടെ ഡി.എന്‍.എയാണ് ഇതുവരെ പരിശോധിച്ചത്. പ്രതിയുടെ ഡി.എന്‍.എ കണ്ടെത്തിയെന്നും പോലീസ് പറയുന്നുണ്ടെങ്കിലും ഇതു സംബന്ധിച്ചും വ്യാപക ആക്ഷേപമുണ്ട്. ഇയാളുടെ ഡി.എന്‍.എ തിരിച്ചറിഞ്ഞത് പോലീസിന്റെ തന്നെ ലാബിലാണ്. പ്രതിയുടേത് ഒഴികെയുള്ളവ തിരുവനന്തപുരത്തേ രാജീവ്ഗാന്ധി സെന്റര്‍ ഫോര്‍ ബയോടെക്‌നോളജിയിലുമാണ് പരിശോധിച്ചത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha