തെരഞ്ഞെടുപ്പ്‌ അടത്തിരിക്കെ സ്വന്തം സ്ഥാനാര്‍ത്ഥികളെ നിര്‍ത്തി മത്സരിക്കുമെന്ന വെല്ലുവിളിയുമായി താമരശ്ശേരി അതിരൂപത. കസ്‌തൂരി രംഗന്‍ റിപ്പോര്‍ട്ടിന്മേലിള്ള പുതിയ കരട്‌ വിജ്ഞാപനം അംഗീകരിക്കില്ലെന്ന്‌ പശ്ചിമഘട്ട സംരക്ഷണ സമിതി വ്യക്തമാക്കി.

അതേസമയംമുഖ്യമന്ത്രിയെ രംഗത്തിറക്കി അനുനയിപ്പിക്കാനുള്ള ശ്രമത്തിലാണ് യുഡിഎഫ്. ഈ മാസം 16ന് മുഖ്യമന്ത്രി തിരുവമ്പാടിയിലെത്തും.

കരട് വിജ്ഞാപനം കര്‍ഷകരുടെ കണ്ണില്‍ പൊടിയിട്ടതാണെന്നാണ് പശ്ചിമഘട്ട ജനസംരക്ഷണസമിതിയുടെ വിലയിരുത്തല്‍. തെരഞ്ഞെടുപ്പ് വിജ്ഞാപനത്തിന് മുമ്പ് കനത്ത സമ്മര്‍ദ്ദം ചെലുത്തി കസ്തൂരി രംഗന്‍ റിപ്പോര്‍ട്ടിലെ നിര്‍ദേശങ്ങള്‍ പിന്‍വലിക്കുക എന്നതാണ് രൂപതയുടെ സമരതന്ത്രം. സ്വന്തം സ്ഥാനാര്‍ത്ഥികളെ നിര്‍ത്തിയും സഹായിക്കുന്നവരെ തിരിച്ച് സഹായിച്ചും തിരിച്ചടിക്കുമെന്നാണ് പശ്ചിമഘട്ട സംരക്ഷണ സമിതി ആവര്‍ത്തിച്ച് മുന്നറിയിപ്പ് നല്‍കുന്നത്.

സമരം തുടര്‍ന്നാല്‍ തെരഞ്ഞെടുപ്പില്‍ കോഴിക്കോട്, വയനാട്, ഇടുക്കി ജില്ലകളില്‍ കാര്യമായ തിരിച്ചടി നേരിടേണ്ടി വരുമെന്ന് യുഡിഎഫും വിലയിരുത്തുന്നു. ഇതിനെ മറിക്കടക്കാനുള്ള ശ്രമത്തിലാണ് യുഡിഎഫ് നേതൃത്വം. കോഴിക്കോട് ജില്ലാ കോണ്‍ഗ്രസ് അധ്യക്ഷന്‍ നയിക്കുന്ന ജാഥക്ക് ഈ മാസം വമ്പിച്ച സ്വീകരണം ഒരുക്കാനും ചടങ്ങില്‍ മുഖ്യമന്ത്രിയെ പങ്കെടുപ്പിക്കാനും തീരുമാനിച്ചതും ഈ പശ്ചാത്തലത്തിലാണെന്നാണ് ജില്ലാ നേതൃത്വം തന്നെ തുറന്ന് സമ്മതിക്കുന്നത്. ഇതിനിടെ സമരത്തിന് പൂര്‍ണ പിന്തുണ പ്രഖ്യാപിച്ചുകൊണ്ട് സിപിഐഎം നേതൃത്വം മുഴുന്‍ സമയവും സമരപന്തലില്‍ എത്തുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha