ഏൽപ്പിച്ച ഉത്തരവാദിത്തം തന്റെ കഴിവിന്റെ പരമാവധി ഉപയോഗിച്ച് നിർവഹിക്കും. മുൻ വിദ്യാഭ്യാസ മന്ത്രി ധർമേന്ദ്ര പ്രധാൻ ദേശീയ വിദ്യാഭ്യാസ നയം നടപ്പാക്കിയതിലൂടെ രാജ്യത്തിന്റെ വിദ്യാഭ്യാസ രംഗത്ത് നിർണായക മാറ്റങ്ങൾക്ക് വഴിയൊരുക്കിയെന്ന് പ്രൾഹാദ് ജോഷി. പുതിയ വിദ്യാഭ്യാസ മന്ത്രിയായി ചുമതല ഏറ്റെടുത്തതിന് പിന്നാലെയുള്ള പ്രൾഹാദ് ജോഷിയുടെ ആദ്യ പ്രതികരണമാണ് ഇത്.

കഴിഞ്ഞ 12 വർഷത്തിനിടെ പ്രധാനമന്ത്രി നരേന്ദ്രമോദിയുടെ നേതൃത്വത്തിൽ രാജ്യം നിരവധി ചരിത്ര നേട്ടങ്ങൾ കൈവരിച്ചു. കഴിഞ്ഞ അഞ്ച് വർഷത്തിനിടെ ധർമേന്ദ്ര പ്രധാൻ ദേശീയ വിദ്യാഭ്യാസ നയം വിജയകരമായി നടപ്പാക്കി. വിദ്യാഭ്യാസ മേഖലയിലെ നിരവധി സുപ്രധാന പരിഷ്കാരങ്ങൾ നടപ്പിലാക്കി. പ്രധാനമന്ത്രിയുടെ മാർഗനിർദേശത്തിൽ രാജ്യത്തിന്റെ വിദ്യാഭ്യാസ സംവിധാനത്തെ കൂടുതൽ ശക്തിപ്പെടുത്താൻ ആത്മാർഥമായി പ്രവർത്തിക്കുമെന്ന് പ്രൾഹാദ് ജോഷി ഉറപ്പുനൽകി.

വിദ്യാഭ്യാസ മന്ത്രിയെന്ന ഉത്തരവാദിത്തം എന്നെ ഏൽപ്പിച്ചിരിക്കുകയാണ്. അത് ഏറ്റവും മികച്ച രീതിയിൽ നിർവഹിക്കാൻ ഞാൻ പ്രതിജ്ഞാബദ്ധനാണ്. തന്നിൽ വിശ്വാസം അർപ്പിച്ചതിന് പ്രധാനമന്ത്രി നരേന്ദ്രമോദിയോട് നന്ദി പറയുന്നു. വിനയത്തോടെയും കടമബോധത്തോടെയും ഈ ഉത്തരവാദിത്തം ഏറ്റെടുക്കുകയാണെന്നും അദ്ദേഹം വ്യക്തമാക്കി. മുൻ വിദ്യാഭ്യാസ മന്ത്രി ധർമേന്ദ്ര പ്രധാൻ ദേശീയ വിദ്യാഭ്യാസ നയം നടപ്പാക്കിയതിലൂടെ രാജ്യത്തിന്റെ വിദ്യാഭ്യാസ രംഗത്ത് നിർണായക മാറ്റങ്ങൾക്ക് വഴിയൊരുക്കിയെന്ന് പ്രൾഹാദ് ജോഷി പറഞ്ഞു.

നീറ്റ് പരീക്ഷാ ചോർച്ചയെച്ചൊല്ലിയുള്ള പ്രതിഷേധങ്ങൾക്കിടയിൽ കഴിഞ്ഞ ദിവസമാണ് ധർമേന്ദ്ര പ്രധാൻ രാജിവച്ചത്. നിലവിലെ ചുമതലകൾക്ക് പുറമെ വിദ്യാഭ്യാസ മന്ത്രാലയത്തിന്റെ അധികച്ചുമതലയാണ് നൽകിയിരിക്കുന്നത്. ക്യാബിനറ്റ് മന്ത്രിയായ പ്രൾഹാദ് ജോഷിക്ക് നിലവിലെ വകുപ്പുകൾക്ക് പുറമെ വിദ്യാഭ്യാസ മന്ത്രാലയത്തിന്റെ ചുമതല കൂടി നൽകാൻ പ്രധാനമന്ത്രിയുടെ നിർദ്ദേശപ്രകാരം രാഷ്ട്രപതി ഉത്തരവിടുകയായിരുന്നു.