മന്ത്രിമാര് അഴിമതികളില് നായകരാകും; കൊച്ചി മെട്രോ, ഭൂമികേരളം പദ്ധതികള് പൊളിക്കും
നികുതി വരുമാനത്തില് ഗണ്യമായി കുറവുണ്ടാക്കി സംസ്ഥാനത്തിന്റെ സാമ്പത്തിക സ്ഥിതി അട്ടിമറിക്കാനുളള ഇടതു ജീവനക്കാരുടെ ശ്രമങ്ങള്ക്ക് പിന്നാലെ ഉമ്മന് ചാണ്ടി സര്ക്കാരിന്റെ സ്വപ്നപദ്ധതിയായ കൊച്ചി മെട്രോയെ അട്ടിമറിക്കാനും ഇടതുപക്ഷ ജീവനക്കാര് ശ്രമങ്ങളാരംഭിച്ചു.
കൊച്ചി മെട്രോക്ക് ആവശ്യമായ സ്ഥലം ഏറ്റെടുത്തു നല്കാന് കാലതാമസമുണ്ടാകുന്നതാണ് മെട്രോ സമയബന്ധിതമായി പൂര്ത്തിയാക്കാനുളള പ്രധാന തടസമെന്ന് മെട്രോ ശില്പി ഇ.ശ്രീധരന് തുറന്നടിച്ചു.
സ്ഥലം സമയബന്ധിതമായി ഏറ്റെടുത്തു നല്കാന് സര്ക്കാരാണ് തടസം നില്ക്കുന്നതെന്നും ശ്രീധരന് പറയാതെ പറഞ്ഞു. എന്നാല് ഭരണ നേതൃത്വം തനിക്ക് അനുകൂലമാണെന്നും അദ്ദേഹം കൂട്ടിചേര്ത്തു. ഭരണ നേതൃത്വം അനുകൂലമാണെങ്കില് തടസം നില്കുന്നത് ഉദ്ദ്യോഗസ്ഥ ലോബിയാണ്.
സ്മാര്ട്ട് സിറ്റിയുടെ കാര്യത്തിലും ഇത്തരത്തില് അനിശ്ചിതത്വങ്ങളുണ്ട്. ഇടതു സര്ക്കാരിന് നടപ്പിലാക്കാനാവാത്ത പദ്ധതികള് ഉമ്മന്ചാണ്ടി സര്ക്കാര് നടപ്പിലാക്കേണ്ടതില്ലെന്നാണ് ഇടതു സഹയാത്രികരായ ജീവനക്കാരുടെ തീരമാനം. സംസ്ഥാന സര്ക്കാര് രൂപവത്കരിക്കുന്ന പദ്ധതികളെല്ലാം ഇത്തരത്തില് അട്ടിമറിക്കണമെന്നാണ് സി.പി.എം ജീവനക്കാര്ക്ക് നല്കിയ നിര്ദ്ദേശം. സര്ക്കാര് ജീവനക്കാരുടെ സഹകരണമില്ലാതെ കേരളത്തിലാര്ക്കും പദ്ധതികള് നടപ്പിലാക്കാനാവില്ല.
സെക്രട്ടേറിയറ്റില് ഉള്പ്പെടെ ഇടതുസംഘനകള് പിടിമുറുക്കകയാണ്. സര്ക്കാര് പദ്ധതികള് നടപ്പിലാക്കുമ്പോള് സംഭവിക്കാന് സാധ്യതയുളള പിഴവുകള് ചാനലുകള്ക്ക് ചോര്ത്തി നല്കണമെന്നും സി.പി.എം. നിര്ദ്ദേശം നല്കിയിട്ടുണ്ട്. ഭൂമികേരളം പദ്ധതി അട്ടിമറിക്കാനും സി.പി.എം ശ്രമങ്ങള് തുടങ്ങി കഴിഞ്ഞു. ഇതിന്റെ ഭാഗമാണ് കായല് ഭൂമി, റിസോര്ട്ട് മാഫിയക്ക് തീറെഴുതുമെന്ന വാര്ത്ത. ഇതേ വാര്ത്തക്കൊപ്പം മന്ത്രിസഭാ യോഗത്തിന്റെ മിനിറ്റ്സും ചാനലുകളില് വന്നു.
മന്ത്രിമാര്ക്കെതിരെ ഇലക്ഷന് മുന്നോടിയായി അഴിമതി ആരോപണങ്ങള് കൊണ്ടുവരികയാണ് ലക്ഷ്യം. ചാനലുകളിലും പത്രങ്ങളിലും ഇത്തരം ആരോപണങ്ങള് നിറയ്ക്കുകയാണ് പാര്ട്ടി അജണ്ട. പാര്ലമെന്റ് തിരഞ്ഞെടുപ്പില് ദയനീയ പരാജയം മുന്നില് കാണുന്ന സി.പി.എം. സര്ക്കാരിനെ പ്രധിരോധിക്കാന് കണ്ടെത്തിയ പുതിയ വഴിയാണ് ഇത്. വരും ദിവസങ്ങളില് സരിതയും മന്ത്രിമാര്ക്കെതിരെ രംഗത്തുവരുമെന്ന് സൂചനയുണ്ട്. സരിതക്ക് പിന്നിലും സി.പി.എം. ഉണ്ടോ എന്നാണ് സംശയം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
