അന്ന് തിരുവല്ല; ഇന്ന് കസ്തൂരി കാത്തിരുന്നു കാണാം
തിരുവല്ലയില് കഴിഞ്ഞ നിയമസഭാ തിരഞ്ഞെടുപ്പില് നടന്നതിന് സമാനമായ അവസ്ഥയിലേക്കാണ് ഇടുക്കി, പത്തനംതിട്ട, വയനാട് കേഴികോട് ജില്ലകള് നീങ്ങുന്നത്. ഇടുക്കയില് സ്ഥാനാര്ഥിയെ നിര്ത്തുമെന്ന് ഹൈറേഞ്ച് സംരക്ഷണസമിതി തീരുമാനിച്ചു കഴിഞ്ഞു. ഇത് ഫ്രാന്സിസ് ജോര്ജ്ജായിരിക്കുമോ എന്നാണ് രാഷ്ട്രീയ കേരളം ഉറ്റുനോക്കുന്നത്. ഹൈറേഞ്ച് സംരക്ഷണ സമിതി പൂര്ണമായും ക്രൈസ്തവ മത മേലധ്യക്ഷന്മാരുടെ നിയന്ത്രണത്തിലുളളതാണ് ഇടുക്കി, പത്തനംതിട്ട, വയനാട് തൃശൂര് ജീല്ലകളില് ആരു ജയിക്കുമെന്ന് മെത്രാന്മാര് തീരമാനിക്കും. എന്എസ്എസ് ജനറല് സെക്രട്ടറി സുകുമാരന്നായര് പറയുന്നതു പോലെയല്ല മെത്രാന്മാര് പറയുന്നത്.
തിരുവല്ലയില് കഴിഞ്ഞ തിരഞ്ഞെടുപ്പില് ജോസഫ് എം. പുതുശേരിക്ക് സീറ്റ് നിക്ഷേധിച്ചിരുന്നു. വിക്ടര് ടി തോമസിനായിരുന്നു സീറ്റ്. പുതുശേരിക്ക് സീറ്റ് നിക്ഷേധിച്ചതിന് പിന്നില് പാര്ട്ടിക്ക് വിശദീകരണവും ഉണ്ടായിരുന്നില്ല. പുതുശേരിയെ ഒഴിവാക്കിയതു കാരണം പത്തനംതിട്ട ജില്ലയില് യു.ഡി.എഫ് മൊത്തത്തിന് തോറ്റു. പുതുശേരിക്ക് തിരുവല്ല നല്കിയിരുന്നെങ്കില് ഉമ്മന്ചാണ്ടി മന്ത്രിസഭയുടെ ഭാവി തുലാസിലാവുമായിരുന്നില്ലെന്ന് വിശ്വസിക്കുന്നവര് ഇപ്പോഴുമുണ്ട്.
കസ്തൂരി രംഗനാണ് തിരുവല്ലയുടെ രൂപത്തില് ഇപ്പോള് അവതരിച്ചിരിക്കുന്നത്. കസ്തൂരി രംഗന് പ്രശ്നം പരിഹരിക്കാന് സര്ക്കാരിനു മുമ്പില് ധാരാളം വഴികളുണ്ടായിരുന്നെങ്കിലും കേരളത്തിനെ നിസാരവത്കരിച്ച ഗോസായിമാര് അതിന് വഴങ്ങിയില്ല. കേരളത്തോടുളള അവഗണന ദക്ഷിണേന്ത്യയോടുളള അവഗണനയായി കണക്കാക്കാം.
മന്ത്രി പി.ജെ.ജോസഫിന്റെ ഭാവി തുലാസിലായിരിക്കുകയാണ്. മലയോര മേഖലയിലെ കര്ഷകര്ക്കൊപ്പം നിന്നില്ലെങ്കില് ജോസഫിനും അദ്ദേഹത്തിന്റെ അനുയായികള്ക്കും രാഷ്ട്രീയ ജീവിതത്തിന് ഫുള്സ്റ്റോപ്പിടേണ്ടിവരും. അതേ സമയം പി.സി.ജോര്ജ്ജിന് എപ്പോള് വേണമെങ്കിലും രാജിവയ്ക്കാമെന്ന് എം.എം.ഹസന് പറഞ്ഞു.
ഓഫീസ് മെമ്മോറാണ്ടം കൊണ്ട് കര്ഷകര് തൃപ്തിപെടേണ്ടി വരുമെന്ന് വി.എം. സുധീരന് സൂചന നല്കി. വിജ്ഞാപനം ഉണ്ടാവില്ലെന്നര്ത്ഥം. ജോര്ജ്ജ് യു.ഡി.എഫ് വിട്ടാല് ആര്ക്കും ദു:ഖവും തോന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
