രാജിയിലേക്ക് അടുക്കുന്നു...ലക്ഷ്മി നായരെ ഡീബാര് ചെയ്യണമെന്ന് ഉപസമിതി റിപ്പോര്ട്ട്; റിപ്പോര്ട്ട് സിന്ഡിക്കേറ്റിന്റെ പരിഗണനയില്... പ്രിന്സിപ്പളിന്റെ അധികാരം വെട്ടിക്കുറക്കാം ലോ അക്കാദമി ചെയര്മാന്...
ലക്ഷ്മി നായരെ പരീക്ഷാ ചുമതലകളില് നിന്ന് അഞ്ച് വര്ഷത്തേക്ക് ഡീബാര് ചെയ്യാന് സിന്ഡിക്കേറ്റ് ഉപസമിതി റിപ്പോര്ട്ടില് ശുപാര്ശ. ലോ അക്കാദമിയിലെ വിദ്യാര്ത്ഥികളുടെ പരാതികളെ കുറിച്ച് അന്വേഷിച്ച ഉപസമിതി സിന്ഡിക്കേറ്റിന് റിപ്പോര്ട്ട് സമര്പ്പിച്ചു. ഉപസമിതി റിപ്പോര്ട്ട് പരിശോധിക്കാനും നടപടിയെടുക്കാനും കേരള സര്വ്വകലാശാല സിന്ഡിക്കേറ്റ് യോഗം ചേരുന്നു. ലോ അക്കാദമിക്കെതിരെ നടപടിക്കും ഉപസമിതി ശുപാര്ശ ചെയ്തിട്ടുണ്ട്. റിപ്പോര്ട്ട് പഠിക്കാന് കൂടുതല് സമയം വേണമെന്ന് ചില സിന്ഡിക്കേറ്റ് അംഗങ്ങള് യോഗത്തില് ആവശ്യപ്പെട്ടു. റിപ്പോര്ട്ടില് പരാമര്ശിക്കുന്ന കാര്യങ്ങള്.
ഗുരുതര ചട്ടലംഘനങ്ങള്
കോളേജില് മെറിറ്റ് അട്ടിമറിക്കുന്നു.
ലക്ഷ്മി നായരുടെ സ്വജനപക്ഷപാതത്തിന് തെളിവുണ്ട്.
ഇഷ്ടപ്പെട്ടവര്ക്ക് മാര്ക്ക് വാരിക്കോരി നല്കുന്നു.
പലരുടേയും ഇന്റേണല് മാര്ക്ക് പൂജ്യത്തില് നിന്ന് പത്തുവരെയായി.
പാരമ്പര്യമുള്ള സ്ഥാപനത്തെ ലക്ഷ്മി നായര് മോശമാക്കി.
ഭാവി മരുമകള് അനുരാധ പി നായര്ക്ക് വാരിക്കോരി മാര്ക്ക് നല്കി, ഇല്ലാത്ത ഹാജരും നല്കി
അനുരാധക്ക് 50% ഹാജര് ഉണ്ടായിരുന്നില്ല.
അനുരാധയുടെ പരീക്ഷാ ഫലം റദ്ദ് ചെയ്യണം.
ഇന്റേണല് മാര്ക്കില് സര്വ്വകലാശാല ചട്ടങ്ങള് പാലിക്കപ്പെട്ടില്ല.
ഹോസ്റ്റലില് പെണ്കുട്ടികളുടെ സ്വകാര്യത ഹനിക്കുന്ന രീതിയില് ക്യാമറകള് സ്ഥാപിച്ചു.
ലക്ഷ്മി നായരുടെ ഭാവിമരുമകളുടെ ഇല്ലാത്ത അധികാര വിനിയോഗവും പ്രതിഷേധങ്ങള്ക്ക് കാരണമായി.
വിദ്യാര്ത്ഥികളെ അധിക്ഷേപിച്ചതായുള്ള പരാതികള് ശരിയാണ്, തെളിവായി പരാതി ഉന്നയിച്ചവര് ശബ്ദരേഖ ഹാജരാക്കി.
ജാതി, നിറം, ഭാഷ, വേഷം എന്നിവയുടെ പേരില് വിദ്യാര്ത്ഥികളെ തരം തിരിക്കുകയും അധിക്ഷേപിക്കുകയും ചെയ്തു.
കഴിഞ്ഞ മൂന്ന് വര്ഷത്തെ ഹാജര് രേഖകള് ഉപസമിതിക്ക് നല്കിയില്ലെന്നും റിപ്പോര്ട്ടില് പറയുന്നു.
ഇന്റേണല് മാര്ക്കില് ക്രമക്കേട് നടത്തിയ ലക്ഷ്മി നായര്ക്കെതിരെ ക്രിമിനല് കേസെടുക്കണമെന്നാവശ്യപ്പെട്ട് സിന്ഡിക്കേറ്റ് അംഗം ജോണ്സണ് എബ്രഹാം ഗവര്ണര്ക്ക് കത്തയച്ചു. സര്ക്കാര് ലോ അക്കാദമിയുടെ ഭൂമി പിടിച്ചെടുക്കണമെന്നും കത്തില് ആവശ്യപ്പെടുന്നു.
പാര്ട്ടിയും വിട്ടുവീഴ്ച്ചക്കില്ല
ലോ അക്കാദമി പ്രിന്സിപ്പള് ലക്ഷ്മി നായരോട് വിട്ടുവീഴ്ച വേണ്ടെന്ന് സര്വ്വകലാശാല സിന്ഡിക്കേറ്റ് അംഗങ്ങളോട് സിപിഐഎം. സിന്ഡിക്കേറ്റ് ഉപസമിതിയിലുള്ള പാര്ട്ടി അംഗങ്ങളോടാണ് ലക്ഷ്മി നായര്ക്കെതിരെ നിലപാട് കടുപ്പിക്കാന് സിപിഐഎം സംസ്ഥാന നേതൃത്വം ആവശ്യപ്പെട്ടത്. ഇന്നു ചേരുന്ന സിന്ഡിക്കേറ്റ് യോഗത്തില് ലോ അക്കാദമിക്കെതിരെ കടുത്ത നടപടികളുണ്ടാവാനുള്ള സാധ്യതയാണ് ഇതിലൂടെ വ്യക്തമാകുന്നത്. ലോ അക്കാദമിയില് ഗുരുതര നിയമലംഘനം നടന്നതായി അന്വേഷണം നടത്തിയ സിന്ഡിക്കേറ്റ് ഉപസമിതി കണ്ടെത്തിയിരുന്നു. ഉപസസമിതി റിപ്പോര്ട്ട് സിന്ഡിക്കേറ്റിന് കൈമാറി.
പ്രിന്സിപ്പളിന്റെ സ്വജനപക്ഷപാതത്തിന് തെളിവുണ്ടെന്ന് ഉപസമിതി റിപ്പോര്ട്ട്. സിന്ഡിക്കേറ്റ് യോഗം റിപ്പോര്ട്ട് പരിഗണിക്കുന്നു. മെറിറ്റ് അട്ടിമറിക്കപ്പെട്ടുവെന്നും പ്രിന്സിപ്പള് ഹാജര് രേഖകളില് കൈകടത്തിയതായും പറയുന്നു
ഇനി ഞാന് നന്നായിക്കൊള്ളാം... ലക്ഷ്മീ നായര് നല്ലവാക്ക് പറയുന്നു
വിദ്യാര്ത്ഥി പ്രക്ഷോഭം ശക്തമായതോടെ പ്രിന്സിപ്പളിന്റെ അധികാരം വെട്ടിക്കുറച്ചുള്ള ഒത്തുതീര്പ്പ് നിര്ദ്ദേശവുമായി ലോ അക്കാദമി ചെയര്മാന് അയ്യപ്പന് പിള്ള രംഗത്തെത്തി. ലോ അക്കാദമി പ്രിന്സിപ്പളിന്റെ അധികാരം വെട്ടിക്കുറയ്ക്കാമെന്നും ഇന്റേണല് മാര്ക്കിലടക്കം വിദ്യാര്ത്ഥികള് പരാതി ഉന്നയിക്കുന്ന കാര്യങ്ങളില് പ്രിന്സിപ്പള് ലക്ഷ്മി നായരുടെ അധികാരം വെട്ടിക്കുറയ്ക്കാമെന്നും അയ്യപ്പന് പിള്ള നിര്ദേശിച്ചു. ഗവേണിങ് ബോഡിയോഗത്തില് നിര്ദേശങ്ങള് അവതരിപ്പിക്കുമെന്നും അദ്ദേഹം പറഞ്ഞു.ലോ അക്കാദമിയിലെ വിദ്യാര്ത്ഥികളുടെ പ്രശ്നങ്ങളില് മനുഷ്യാവകാശ കമ്മീഷനും ഇടപെട്ടിരുന്നു. വിദ്യാര്ത്ഥികളുടെ പരാതി സംബന്ധിച്ച് പൊലീസ് അന്വേഷണം വേണമെന്ന് കമ്മീഷന് ഉത്തരവിട്ടു. ഡിവൈഎസ്പി റാങ്കില് കുറയാത്ത ഉദ്യോഗസ്ഥന് കേസ് അന്വേഷിക്കണമെന്നാണ് ജെ ബി കോശി അധ്യക്ഷനായ സംസ്ഥാന മനുഷ്യാവകാശ കമ്മീഷന്റെ നിര്ദേശം.
വിദ്യാര്ത്ഥികള്ക്ക് കൈയ്യടി
മരണം വരെ സമരം പ്രഖ്യാപിച്ച വിദ്യാര്ത്ഥികള്ക്കാണ് ഈ സമരത്തിന്റെ മുഴുവന് ക്രെഡിറ്റും.
https://www.facebook.com/Malayalivartha
