ഐസക്കേ അത് ശരിയാകില്ലല്ലോ... പെന്ഷന് പ്രായം; ധനവകുപ്പിന്റെ നീക്കം എതിര്ത്തത് മുഖ്യമന്ത്രി
പെന്ഷന് പ്രായം വര്ധിപ്പിക്കണമെന്ന ധന സെക്രട്ടറിയുടെ നിര്ദ്ദേശം മുഖ്യമന്ത്രി തളളി. സംസ്ഥാന ഖജനാവിനു ഭാരം മാത്രം വരുത്തി വയ്ക്കുന്ന സര്ക്കാര് ഉദ്യോഗസ്ഥര്ക്ക് അങ്ങനെയൊരു സൗഭാഗ്യം വേണ്ടെന്നാണ് പിണറായി വിജയന്റെ പക്ഷം. ധന സെക്രട്ടറി കെ എം എബ്രഹാമിന്റെ നിര്ദ്ദേശത്തിന് ധനമന്ത്രിയുടെ അംഗീകാരമുണ്ടായിരുന്നു.
സര്ക്കാര് ഉദ്യോഗസ്ഥരോട് മുഖ്യമന്ത്രിക്ക് പണ്ടേ ദേഷ്യമാണ്. സാധാരണക്കാരന്റെ ആവശ്യങ്ങള്ക്ക് കാതോര്ക്കാത്തവരാണ് സര്ക്കാര് ഉദ്യോഗസ്ഥരെന്ന് മുഖ്യമന്ത്രി വിശ്വസിക്കുന്നു. സര്ക്കാര് ഉദ്യോഗസ്ഥര് പങ്കെടുക്കുന്ന എല്ലാ യോഗങ്ങളിലും അവരെ വിമര്ശിക്കാന് അദ്ദേഹം അവസരം കണ്ടെത്താറുണ്ട്.
സര്ക്കാര് ഉദ്യോഗസ്ഥര് പാവങ്ങളോട് അഭാവപൂര്വം പെരുമാറണമെന്ന് മുഖ്യമന്ത്രി പലവട്ടം മുന്നറിയിപ്പ് നല്കിയിട്ടുണ്ടെങ്കിലും ഉദ്യോഗസ്ഥര് അനുസരിച്ചിട്ടില്ല.കഴിഞ്ഞ ദിവസം സെക്രട്ടറിയേറ്റിനുള്ളില് നിന്നും പൊതുമരാമത്ത് വകുപ്പ് ഉദ്യോഗസ്ഥ കൈക്കൂലി വാങ്ങുന്നത് പിടിക്കപ്പെട്ടിടന്നു. ഉദ്യോഗസ്ഥരെയെല്ലാം വിറപ്പിക്കുന്ന മുഖ്യമന്ത്രിയുടെ മുക്കിന് തുമ്പത്ത് നടന്ന സംഭവം വലിയ വിവാദമായിരുന്നു. ഇങ്ങനെയൊക്കെയുള്ള ഉദ്യോഗസ്ഥരുടെ പെന്ഷന് പ്രായമാണ് വര്ധിപ്പിക്കേണ്ടത്!
സംസ്ഥാനം അനുഭവിക്കുന്ന സാമ്പത്തിക പ്രതിസന്ധി മറികടക്കുന്നതിനുള്ള മറുമരുന്നായിട്ടാണ് പെന്ഷന് പ്രായം വര്ധിപ്പിക്കാന് ധനവകുപ്പ് ആലോചിച്ചത്.കഴിഞ്ഞ കുറെ വര്ഷങ്ങളായി ധനവകപ്പ് ഇതിനാവശ്യമായ ശ്രമങ്ങള് നടത്തുന്നുണ്ടായിരുന്നു.എന്നാല് പ്രതിഷേധം ഭയന്ന് രാഷ്ട്രീയ നേതൃത്വം അതിന് തയ്യാറായിരുന്നില്ല. ആദ്യം പെന്ഷന് പ്രായം വര്ധിപ്പിച്ചത് ഡോ.ഐസക്കാണ്. പിന്നീട് വന്ന യു ഡി എഫ് സര്ക്കാര് അത് ഏകീകരിച്ചു.
പെന്ഷന് പ്രായം വര്ധിപ്പിക്കാനുള്ള നീക്കങ്ങള്ക്ക് യുവജന സംഘടനകളുടെ ഭാഗത്ത് നിന്നും ശക്തമായ എതിര്പ്പുണ്ട്.ഡി വൈ എഫ് ഐ യും എ ഐ വൈ എഫും ഇതിനെതിരെ രംഗത്ത് വന്നുകഴിഞ്ഞു. മാത്രവുമല്ല സര്ക്കാര് ഉദ്യോഗസ്ഥര്ക്ക് നല്കുന്ന ഓരോ നേട്ടവും സാധാരണക്കാരനെ വെറുപ്പിക്കാന് മാത്രമേ ഉതകുകയുള്ളുവെന്നും ഭരണ നേതൃത്വത്തിനറിയാം.
https://www.facebook.com/Malayalivartha
