ശശീന്ദ്രനെ കുടുക്കിയതാണെന്ന് മനസിലാക്കിയ ഉടന്‍ മംഗളത്തെ കുടുക്കാന്‍ പിണറായി തീരുമാനിച്ചു.ശശീന്ദ്രന്‍ തന്നെയാണ് മീഗളത്തിലെ മാധ്യമ പ്രവര്‍ത്തക തന്നെ ചതിച്ച വിവരം മുഖ്യമന്ത്രിയെ അറിയിച്ചത്. രാജി തീരുമാനവും ഒപ്പം പറഞ്ഞു.മുഖ്യമന്ത്രി എതിര്‍ത്തില്ല. ശശീന്ദ്രനോട് മുഖ്യമന്ത്രിക്ക് ദേഷ്യമില്ല.എന്നാല്‍ മംഗളത്തിന്റെ വിശ്വാസ വഞ്ചന അദ്ദേഹത്തിന് സഹിക്കാന്‍ കഴിയുന്നില്ല.

ശശീന്ദ്രന്‍ സംഭവം നടന്നയുടനെ വിവരങ്ങള്‍ അന്വേഷിച്ച് തന്നെ അറിയിക്കാന്‍ അദ്ദേഹം ഇന്റലിജന്‍സിന് നിര്‍ദ്ദേശം നല്‍കി. ഇന്റലിജന്‍സിലെ സമര്‍ത്ഥന്‍മാരാണ് കഥ പൂര്‍ണമായും പുറത്തു കൊണ്ടുവന്നത്. വിവരങ്ങളറിയാന്‍ ദേശാഭിമാനിയെയും കൈരളിയെയും അദ്ദേഹം ഉപയോഗിച്ചു. മംഗളത്തിന്റെ തന്നെ ലേഖികയാണ് ശശീന്ദ്രനെ വിളിച്ചതെന്ന് പിണറായി മനസിലാക്കിയത് ദേശാഭിമാനി വഴിയാണ്.

മംഗളം മേധാവിമാരുടെ ചലനങ്ങള്‍ സസുക്ഷ്മം ഇന്റലിജന്‍സ് വീക്ഷിച്ചിരുന്നു. ശശീന്ദ്രനെ കഴപ്പത്തില്‍ ചാടിച്ച പെണ്‍കുട്ടി പോലീസിന്റെ ശക്തമായ നിരീക്ഷണത്തിലായിരുന്നു. ഇവരുടെ ഫോണ്‍ സംഭാഷണങ്ങള്‍ പോലീസ് നിരീക്ഷിച്ചിരുന്നു എന്നും കേള്‍ക്കുന്നു.

മംഗളത്തിനെതിരെ നടപടി എടുക്കരുതെന്ന് ആവശ്യപ്പെട്ട് സംസ്ഥാനത്തെ ചില മുതിര്‍ന്ന മാധ്യമ പ്രവര്‍ത്തകര്‍ ഇടപെട്ടിരുന്നെങ്കിലും അതിന് മുഖ്യമന്ത്രി വഴങ്ങിയില്ലെന്ന് സൂചനയുണ്ട്. മീഗളത്തിനെതിരെ അതിശക്തമായ നടപടി വേണമെന്ന നിലപാടിലാണ് മുഖ്യമന്ത്രി. ഇത്തരം പ്രവണതകള്‍ മുളയിലേ നുള്ളണമെന്ന അഭിപ്രായമാണ് പിണറായിക്കുളളത്.

ബഹ്‌റ കേരളത്തില്‍ മടങ്ങിയെത്തുന്നതിനു മുമ്പ് ക്രൈംബ്രാഞ്ച് എഫ്‌ഐആര്‍ ഇട്ടതും അതുകൊണ്ടാണ്.ബഹ്‌റ വന്നാല്‍ കേസ് അട്ടിമറിക്കാന്‍ ഇടയുണ്ടെന്ന് മുഖ്യമന്ത്രിക്ക് സംശയം ഉണ്ടായിരുന്നു. മംഗളവുമായി ബഹ്‌റക്ക് നല്ല ബന്ധമുണ്ട്.