ഇന്നലെ നമ്മുടെ ട്രഷറികള്‍ പൂട്ടേണ്ടതായിരുന്നു, ഭാഗ്യത്തിന്‌ രക്ഷപ്പെട്ടു, അട്ടിമറിക്കാരെ ആരും തിരിച്ചറിഞ്ഞില്ല
സാമ്പത്തിക വര്‍ഷാവസാനമുളള സാമ്പത്തിക പ്രതിസന്ധി പരിഹരിക്കുന്നതിനായി സഹകരണബാങ്കുകളിലെ പണം ട്രഷറിയില്‍ നിക്ഷേപിക്കണമെന്ന സര്‍ക്കാര്‍ ഉത്തരവ്‌ അട്ടിമറിച്ചത്‌ ആര്‌?
1500 കോടി സര്‍ക്കാര്‍ ലക്ഷ്യമിട്ടപ്പോള്‍ കിട്ടിയത്‌ വെറും 78 കോടി. ഉന്നതതലങ്ങളില്‍ നടന്ന ഗൂഢാലോചനയില്‍ ധനവകുപ്പ്‌ വഞ്ചിക്കപ്പെടുകയായിരുന്നു. സഹകരണ വുകപ്പുകളില്‍ നിന്നും പണം പന്‍വലിക്കാനുളള സര്‍ക്കാര്‍ തീരുമാനം അട്ടിമറിക്കപ്പെട്ടത്‌ എ.കെ.ജി സെന്ററിലാണ്‌. ഇടതു ഭരണം നടക്കുന്ന സഹകരണ ബാങ്കുകളോട്‌ പണം ട്രഷറിയില്‍ നിക്ഷേപിക്കരുതെന്ന്‌ സി.പി.എം. അറിയിക്കുകയായിരുന്നു. എന്നാല്‍ ഭാഗ്യം കൊണ്ടു മാത്രം ട്രഷറി പൂട്ടിയിടാതെ സര്‍ക്കാര്‍ രക്ഷപ്പെടുകയായിരുന്നു. എന്നാലും പ്രതിസന്ധി ഒഴിഞ്ഞിട്ടില്ല. തെരഞ്ഞെടുപ്പ്‌ അടുത്ത വേളയില്‍ ട്രഷറി പൂട്ടിയെന്ന ആരോപണം പ്രചരിപ്പിച്ച്‌ വോട്ടുപിടിക്കുകയായിരുന്നു ഇതിന്റെ ലക്ഷ്യം.
കടുത്ത നിയന്ത്രണങ്ങള്‍ ഏര്‍പ്പെടുത്തിയാണ്‌ സര്‍ക്കാര്‍ പ്രതിസന്ധി മറികടന്നത്‌. ഇടതു സഹകരണ ബാങ്കുകളില്‍ നിന്നും പണം കിട്ടാനിടയില്ലെന്ന്‌ സര്‍ക്കാര്‍ നേരത്തെ മനസിലാക്കിയിരുന്നു. കഴിഞ്ഞ സാമ്പത്തിക വര്‍ഷം വാണിജ്യ നികുതിയിനത്തില്‍ 2400 കോടിയുടെ കുറവാണുണ്ടായത്‌. 17% വളര്‍ച്ച പ്രതീക്ഷിച്ചിടത്ത്‌ നേടിയത്‌ 11% മാത്രം. ഏപ്രില്‍, മേയ്‌ മാസങ്ങളില്‍ ഇതേ പ്രതിസന്ധി തുടരാനാണ്‌ സാദ്ധ്യത.
നികുതി വരുമാനം കുറയ്‌ക്കാന്‍ ഇടതു സര്‍വീസ്‌ സംഘടനകള്‍ ഗൂഢാലോചന നടത്തുന്നതായി നേരത്തെ മലയാളിവാര്‍ത്ത റിപ്പോര്‍ട്ട്‌ ചെയ്‌തിരുന്നു. ഇത്‌ ഇപ്പോഴും തുടരുകയാണ്‌. യു.ഡി.എഫ്‌ അനുഭാവികളായ ഉദ്യോഗസ്ഥര്‍ക്കാകട്ടെ കൈക്കൂലി വാങ്ങുന്നതില്‍ മാത്രമാണ്‌ താത്‌പര്യം. ഇടതു അനുഭാവികളായ ഉദ്യോഗസ്ഥര്‍ ജോലിയില്‍ നിന്നും വിട്ടു നില്‍ക്കുന്നു. മാര്‍ച്ചില്‍ മാത്രം സംസ്ഥാനം ചെലവിട്ടത്‌ 9300 കോടിയാണ്‌.
ഇതിനിടയില്‍ ട്രഷറി പ്രവര്‍ത്തനം സ്‌തംഭിപ്പിക്കാന്‍ തിരുവനന്തപുരം,കോഴിക്കോട്‌ മേയര്‍മാര്‍ ശ്രമിച്ചു. ട്രഷറി പൂട്ടലിന്റെ വക്കിലാണെന്ന പ്രചരണം അഴിച്ചുവിടുകയായിരുന്നു ലക്ഷ്യം. ഇതില്‍ പ്രതിപക്ഷം ഏറെക്കുറെ വിജയിക്കുകയും ചെയ്തു. അതേ സമയം സാമ്പത്തിക പ്രതിസന്ധി ഇല്ലെന്ന്‌ സര്‍ക്കാര്‍ പറയുന്നുണ്ടെങ്കിലും ആരും വിശ്വസിക്കുന്നില്ല.
മാര്‍ച്ചിലെ ശമ്പളവും പെന്‍ഷനും മാറാന്‍ 3000 കോടിയെങ്കിലും വേണം. എന്നാല്‍ ശമ്പളം നല്‍കാന്‍ സര്‍ക്കാരിന്റെ കൈയില്‍ പണമില്ല. ഇതിനിടെ സര്‍ക്കാര്‍ വകുപ്പുകളിലെ പണം ബാങ്കുകളില്‍ നിക്ഷേപിക്കാന്‍ വകുപ്പുകള്‍ക്ക്‌ സര്‍ക്കാര്‍ നല്‍കിയ അംഗീകാരവും വിനയായി തീര്‍ന്നിട്ടുണ്ട്‌. പല വകുപ്പുകളും സ്വകാര്യ ബാങ്കുകളില്‍ പണം നിക്ഷേപിക്കുന്നുണ്ട്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
