വിമാനത്താവളത്തില് വന് സ്വര്ണവേട്ട കേരളത്തിലേയ്ക്ക് പണവും മദ്യവും ഒഴുകുന്നു
തിരഞ്ഞെടുപ്പിന്റെ അവസാനദിനങ്ങള് കൊഴിപ്പിക്കാന് റോഡ്,വ്യോമ മാര്ഗങ്ങളിലൂടെ കേരളത്തിലേക്ക് വന്തോതില് കളളപ്പണവും സ്വര്ണവും ഒഴുകുന്നു.
കളളപ്പണത്തിന്റെ ഒഴുക്ക് തടയാനും പണവിനിയോഗം സൂക്ഷ്മമായി നിരീക്ഷിക്കാനും തിരഞ്ഞെടുപ്പ് കമ്മീഷന് നിയോഗിച്ച ഐ.ജി.ഷേഖ് ദര്വേഷ് സാഹിബന്റെ പ്രത്യേക സംഘം മാത്രം രണ്ടരക്കോടിയിലധികം രൂപയാണ് കഴിഞ്ഞ ദിവസങ്ങളില് പിടിച്ചെടുത്തത്. ഗോവ സംസ്ഥാനങ്ങളില് നിന്ന് വടക്കന് ജില്ലകളിലേയ്ക്ക് ലക്ഷക്കണക്കിന് പായ്ക്കറ്റ് മദ്യവും അതിര്ത്തി കടന്നെത്തിയിട്ടുണ്ട്. മുത്തങ്ങ അതിര്ത്തിയിലെ പരിശോധനയില് എക്സൈസ് പിടിച്ചെടുത്തത് 92 ലക്ഷം രൂപയാണ്. തിരഞ്ഞെടുപ്പ് ദിനത്തില് മദ്യവും പണവും ഒഴുകുമെന്ന കണക്കുകൂട്ടലില് പോലീസും എക്സൈസും പ്രത്യേക സ്ക്വാഡുകളും അതീവജാഗ്രതയിലാണ്. ഇന്നു വൈകിട്ടോടെ സംസ്ഥാന അതിര്ത്തികള് പൂര്ണമായി അടയ്ക്കുമെന്നും കര്ശന ജാഗ്രത പുലര്ത്താന് എസ്.പിമാര്ക്ക് നിര്ദ്ദേശം നല്കിയിട്ടുണ്ട്.
സംസ്ഥാനത്തെ വിമാനത്താവളങ്ങള്ക്കു പുറമേ മംഗലാപുരം കോയമ്പത്തൂര് വിമാനത്താവളങ്ങള് വഴിയും കേരളത്തിലേയ്ക്ക് സ്വര്ണം ഒഴുകുന്നു. കാസര്കോഡ് കുമ്പള സ്വദേശികളില് നിന്ന് 400 പവന് സ്വര്ണമാണ് ഞായറാഴ്ച പിടിച്ചത്.
എല്ലാ നിയമസഭാ മണ്ഡലങ്ങളിലും എസ്.പിമാരുടെ സഹായത്തോടെ മൂന്നു വീതം ഫ്ളൈയിംഗ് സ്ക്വാഡുകളുടെയും 20 സ്റ്റാറ്റിക്സ് സ്ക്വാഡുകളുടെയും പ്രവര്ത്തനം ഊര്ജിതമാക്കിയിട്ടുണ്ട്. കര്ണാടകയില് നിന്ന് കൊണ്ടു വന്ന 30,000 പായ്ക്കറ്റ് മദ്യം കണ്ണൂര് കാസര്കോട് അതിര്ത്തിയില് എക്സൈസ് പിടികൂടി വിലകുറഞ്ഞ ഗേവന് മദ്യം വന്തോതില് സംഭരിക്കുന്നതായാണ് എക്സൈസിനുളള വിവരം.
https://www.facebook.com/Malayalivartha
