ലോക്‌സഭാ തരെഞ്ഞെടുപ്പിന്റെ കൊട്ടിക്കലാശത്തില്‍ കരുണാകരന്റെ പതനത്തിനിടയാക്കിയ ചാരക്കേസും. മുഖ്യമന്ത്രി ഉമ്മന്‍ ചാണ്ടി ചാരക്കേസിനെപ്പറ്റി ഒരു സ്വകാര്യ ചാനലില്‍ നടത്തിയ അഭിമുഖമാണ്‌ കോണ്‍ഗ്രസുകാര്‍ക്കിടയില്‍ വീണ്ടും ഭിന്നതയുടെ വിത്തിട്ടത്‌.
കെ.കരുണാകരന്റെ രാജി ചാരക്കേസില്‍ ആയിരുന്നില്ലെന്ന്‌ മുഖ്യമന്ത്രി ഉമ്മന്‍ചാണ്ടി പറഞ്ഞു. ചാരക്കേസില്‍ കരുണാകരന്റെ രാജി ആവശ്യപ്പെട്ടിട്ടില്ല. കരുണാകരന്റെ രാജി താന്‍ ആവശ്യപ്പെട്ടുവെന്നത്‌ തെറ്റാണ്‌. അന്ന്‌ കരുണാകരന്റെ മന്ത്രിസഭയില്‍ അംഗമായിരുന്ന തനിക്ക്‌ അദ്ദേഹത്തിന്റെ രാജി ആവശ്യപ്പെടാന്‍ കഴിയുമോയെന്നും ഉമ്മന്‍ചാണ്ടി ചോദിച്ചു.
അതേസമയം കരുണാകരന്റെ രാജി സംബന്ധിച്ച ഉമ്മന്‍ചാണ്ടിയുടെ പ്രസ്‌താവന കരുണാകരന്റെ മകള്‍ പത്മജ വേണുഗോപാല്‍ തിരുത്തി. ചാക്കേസുമായി ബന്ധപ്പെട്ട വിവാദങ്ങളാണ്‌ രാജിക്കിടയാക്കിയത്‌. സത്യം ഉമ്മന്‍ചാണ്ടിക്കേ അറിയൂ. തെരഞ്ഞെടുപ്പ്‌ ആയതിനാല്‍ കൂടുതല്‍ പ്രതികരിക്കാനില്ലെന്നും വേദനകള്‍ വ്യക്തിപരമാണെന്നും പത്മജ കൂട്ടിചേര്‍ത്തു.
തെരഞ്ഞെടുപ്പില്‍ യു.ഡി.എഫ്‌ വീഴ്‌ചയുണ്ടായാല്‍ അതിന്റെ ഉത്തരവാദിത്വം തനിക്കാണെന്നും അദ്ദേഹം കൂട്ടിചേര്‍ത്തു. തെരഞ്ഞെടുപ്പില്‍ സംസ്ഥാന സര്‍ക്കാരിന്റെ പ്രവര്‍ത്തനം വിലയിരുത്തപ്പെടുമെന്നും മുഖ്യമന്ത്രി പറഞ്ഞു.
തിരഞ്ഞെടുപ്പിന്‌ ശേഷം മന്ത്രിസഭയില്‍ മാറ്റം വരുമെന്നും മുഖ്യമന്ത്രി ഉമ്മന്‍ചാണ്ടി പറഞ്ഞു.
ഗണേഷിന്റെ മന്ത്രിസഭാ പ്രവേശനം തെരഞ്ഞെടുപ്പിന്‌ ശേഷം ചര്‍ച്ച ചെയ്യുമെന്നും ഇക്കാര്യത്തില്‍ തെരഞ്ഞെടുപ്പിന്‌ ശേഷം തീരുമാനമെടുക്കുമെന്നും ഉമ്മന്‍ചാണ്ടി പറഞ്ഞു. ആര്‍.എസ്‌പിയുടെ മുന്നണി പ്രവേശം സംബന്ധിച്ച പീതാംബര കുറുപ്പിന്റെ പ്രസ്‌താവന മുഖ്യമന്ത്രി തിരുത്തി. ആര്‍.എസ്‌.പിയുടെ മുന്നണി പ്രവേശം യു.ഡി.എഫിന്റെ കൂട്ടായ തീരുമാനപ്രകാരമാണ്. ഇടുക്കിയില്‍ കെ.എം.മാണിക്ക്‌ സീറ്റ്‌ നല്‍കേണ്ടെന്നത്‌ ഹൈക്കമാന്‍ഡ്‌ തീരുമാനം ആയിരുന്നെന്നും ഉമ്മന്‍ചാണ്ടി വ്യക്തമാക്കി. ഹൈഹോക്കോടതിയോട്‌ തനിക്ക്‌ പരാതിയില്ലെന്നും പരിഭവം മാത്രമാണുളളതെന്നും മുഖ്യമന്ത്രി പറഞ്ഞു. അപ്പീല്‍ നല്‍കിയതിനോട്‌ യോജിപ്പില്ലായിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha