സാധാരണക്കാരുടെ നേതാവിന് സാധാരണക്കാരുടെ അടി... ഓട്ടോക്കാരനെ കൊണ്ട് ഉദ്ഘാടനം നിര്വഹിപ്പിച്ച കെജ്രിവാളിനെ അവസാനം ഓട്ടോക്കാരന് തന്നെ കൈവച്ചു
സാധാരണക്കാരുടെ പാര്ട്ടി നേതാവായ കെജ്രിവാള് മുഖ്യമന്ത്രിയായപ്പോള് ഓട്ടോ ഡ്രൈവറെക്കൊണ്ട് ആശുപത്രി ഉദ്ഘാടനം ചെയ്യിപ്പിച്ചത് ഏറെ വാര്ത്താ പ്രാധാന്യം നേടിയിരുന്നു. എന്നാല് മാസങ്ങള്ക്ക് ശേഷം മറ്റൊരു ഓട്ടോ ഡ്രൈവര് കെജ്രിവാളിന്റെ മുഖത്ത് ആഞ്ഞടിച്ചു. ഡല്ഹിയില് തെരഞ്ഞെടുപ്പ് പ്രചാരണത്തിന്റെ ഭാഗമായി നടന്ന റോഡ്ഷോയ്ക്കിടെയാണ് ഓട്ടോ ഡ്രൈവര് കെജ്രിവാളിന്റെ കരണത്തടിച്ചത്.
നേരത്തെ കെജ്രിവാളിന് നേരെ പല തവണ ആക്രമണമുണ്ടായിരുന്നു. വടക്കു കിഴക്കന് ഡല്ഹിയിലെ സുല്ത്താന്പൂരില് റോഡ്ഷോ നടത്തുന്നതിനിടെ കെജ്രിവാളിന്റെ വാഹനത്തില് കയറിയയാള് ഹാരമണിയിച്ച ശേഷം കരണത്തടിക്കുകയായിരുന്നു. ഓട്ടോറിക്ഷാ തൊഴിലാളികളെ വഞ്ചിച്ചെന്നാരോപിച്ചാണ് ലാലി എന്ന ഓട്ടോ ഡ്രൈവര് കെജ്രിവാളിനെ മര്ദ്ദിച്ചത്. അക്രമിയെ ഉടന് തന്നെ എഎപി പ്രവര്ത്തകര് വാഹനത്തില് നിന്നും ഉന്തി താഴെയിട്ടു. അടിയേറ്റ കെജ്രിവാളിന്റെ ഇടത് കണ്ണിന് വീക്കമുണ്ട്.
നാലുദിവസത്തിനിടെ ഇത് രണ്ടാം തവണയാണ് കെജ്രിവാള് മര്ദ്ദനത്തിനിരയാകുന്നത്. ഇതേസമയം ആക്രമണത്തെ അപലപിച്ച് കെജ്രിവാള് രംഗത്തെത്തി. ഇത്തരം ആക്രമണങ്ങള് ജനാധിപത്യത്തിന് ഭീഷണിയാണെന്ന് അദ്ദേഹം പറഞ്ഞു. എന്തിനാണ് താന് അക്രമിക്കപ്പെടുന്നതെന്നും ആരാണിതിന് പിന്നിലെന്നും തന്നെ മര്ദ്ദിച്ചിട്ട് അവര്ക്കെന്ത് കിട്ടുന്നുവെന്നും കെജ്രിവാള് ചോദിച്ചു. സമയവും സ്ഥലവും പറഞ്ഞുതന്നാല് താനവിടെവിടെ വരമെന്നും രാജ്യത്തിന്റെ പ്രശ്നം തീരുമെങ്കില് അവിടെവെച്ച് തന്നെ മതിവരോളം അടിക്കാമെന്നും തന്റെ ട്വിറ്ററില് കെജ്രിവാള് കുറിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
