വിദ്യാഭ്യാസ വകുപ്പില് ലേലം, സ്പെഷ്യല് സ്കൂളുകള്ക്ക് അംഗീകാരം, അധ്യാപക നിയമനത്തിന് 25 ലക്ഷം കോഴ
വിദ്യാഭ്യാസ വകുപ്പില് വീണ്ടും ലേലം വിളി. ഭിന്നശേഷിയുളള വിദ്യാര്ത്ഥികള്ക്കുവേണ്ടി കേരളത്തില് പ്രവര്ത്തിക്കുന്ന മുന്നൂറോളം സ്വകാര്യ സ്പെഷ്യല് സ്കൂളുകള്ക്ക് എയ്ഡഡ് പദവി നല്കാനുളള സര്ക്കാര് തീരുമാനത്തിനു പിന്നില് മറിയുന്നത് കോടികള്. വിവിധ മത സംഘടനകളാണ് കേരളത്തില് ഇത്തരം സ്കൂളുകള് നടത്തുന്നത്. സ്കൂളുകള്ക്ക് എയ്ഡഡ് പദവി നല്കാനുളള തീരുമാനം മന്ത്രിസഭ തത്വത്തില് എടുത്തു കഴിഞ്ഞു. വിദ്യാഭ്യാസമന്ത്രി പി.കെ.അബ്ദുറബ്ബാണ് മന്ത്രിസഭായോഗത്തിലേക്ക് ഫയല് അയച്ചത്.
ഭിന്നശേഷിയുളള കുട്ടികള് വിദ്യാഭ്യാസ മേഖലയില് അനുഭവിക്കുന്ന പ്രശ്നങ്ങളെ കുറിച്ച് പഠിക്കാന് സര്ക്കാര് ഒരു ഏകാംഗ കമ്മീഷനെ നിയമിച്ചിരുന്നു. സ്വകാര്യ സ്പെഷ്യല് സ്കൂളിന്റെ രക്ഷാധികാരിയെയാണ് ഏകാംഗ കമ്മീഷനായി സര്ക്കാര് തീരുമാനിച്ചത്. ലീഗിന്റെ നോമിനിയായിരുന്നു അദ്ദേഹം.
എന്നാല് കേന്ദ്രസര്ക്കാര് നിര്ദേശിക്കുന്നത് മറ്റൊരു ചട്ടമാണ്. ഭിന്നശേഷിയുളള കുട്ടികളെ സര്ക്കാര്, എയ്ഡഡ് സ്കൂളികളില് മറ്റ് കുട്ടികള്ക്കൊപ്പം പഠിപ്പിക്കണമെന്നാണ് കേന്ദ്ര സര്ക്കാരിന്റെ സംയോജിത വിദ്യാഭ്യാസ പദ്ധതി നിഷ്കര്ഷിക്കുന്നത്. ഇത്തരം കുട്ടികള്ക്കായി സ്കൂളുകളില് റിസോഴ്സ് മുറികള് വേണമെന്നും കേന്ദ്രസര്ക്കാര് നിര്ദ്ദേശിക്കുന്നു. പരിശീലനം ലഭിച്ച ടീച്ചര്മാരുടെ സേവനം പ്രയോജനപ്പെടുത്തണമെന്നും പറയുന്നു.
ഔദ്യോഗിക കണക്കുകള് പ്രകാരം സംസ്ഥാനത്ത് എണ്പതിനായിരത്തോളം കുട്ടികള് പഠനവൈകല്യം അനുഭവിക്കുന്നുണ്ട്. പലതരം വൈകല്യമുളള കുട്ടികളെയാണ് പഠനവൈകല്യമുളളവരുടെ കൂട്ടത്തില് ഉള്പ്പെടുത്തിയിട്ടുളളത്. കേന്ദ്ര പദ്ധതി സംസ്ഥാനത്തുടനീളം വ്യാപിപ്പിക്കാനിരിക്കെയാണ് എയ്ഡഡ് പദവി നല്കാനുളള നീക്കം തത്വത്തിലായത്.
എയ്ഡഡ് സ്കൂളുകളിലെ അധ്യാപക നിയമനത്തിന് 25 ലക്ഷമാണ് കോഴ. സ്പെഷ്യല് ടീച്ചറായി നിയമനം കിട്ടിയാലും 25 ലക്ഷം രൂപ കോഴ നല്കണം. ഒരു സ്പെഷ്യല് സ്കൂളില് കുറഞ്ഞത് പത്ത് അധ്യാപകരെങ്കിലും ഉണ്ടാകും. മുന്നൂറോളം സ്പെഷ്യല് സ്കൂളുകള്ക്കെങ്കിലും സംസ്ഥാനത്ത് അംഗീകാരം നല്കും. ഇതില് രണ്ടായിരത്തോളം അധ്യാപകരെ മാനേജ്മെന്റിന് നിയമിക്കാം. എയ്ഡഡ് സ്കൂളുകളിലെ അധ്യാപകര്ക്ക് സര്ക്കാരാണ് ശമ്പളം നല്കുന്നത്. മാനേജ്മെന്റുകള്ക്ക് കൊയ്ത്തിനുള്ള അവസരമാണ് സര്ക്കാര് തലത്തില് ഒരുങ്ങുന്നത്. കേന്ദ്രപദ്ധതി നടപ്പിലാക്കാതിരിക്കുന്നത് വഴി സംസ്ഥാനത്തിനു ലഭിക്കേണ്ട കേന്ദ്രസഹായം നഷ്ടപ്പെടാനും ഇടയുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
