ജഡ്ജിമാര് സി.പി.എമ്മിന് വിശുദ്ധരായതെങ്ങനെയെന്ന് പൊതുജനം
ഹൈകോടതി ജഡ്ജിമാര് സി.പി.എമ്മിന് വിശുദ്ധരായത് എന്നു മുതലാണെന്ന് ഓര്ത്ത് നിഷ്പക്ഷമതികള് മൂക്കത്തു വിരല്വയ്ക്കുന്നു. അഴിമതി കേസില് വിമര്ശനമുണ്ടായാല് ജഡ്ജിമാരെ വിമര്ശിക്കുന്നതു കേണ്ഗ്രസിന്റെ ശീലമാണെന്ന് സി.പി.എം ജനറല് സെക്രട്ടറി പ്രകാശ് കാരാട്ട് തിരുവനന്തപുരത്ത് പറഞ്ഞു. എന്നാല് ജഡ്ജിമാര് എന്തു പറഞ്ഞാലും അവരെ കൈകാര്യം ചെയ്യാന് എന്നും മുന്നില് നിന്നിട്ടുളളത് സി.പി.എമ്മാണ്. ടുജി സ്പെക്ട്രം ഇടപാടില് യു.പി.എ സര്ക്കാര് സുപ്രീം കോടതിക്കെതിരെ തിരിഞ്ഞതിന് സമാനമാണ് കേരളത്തില് നടന്ന സംഭവവികാസങ്ങളെന്ന് കാരാട്ട് പറഞ്ഞു.
പൊതു നിരത്തില് യോഗം നിരോധിച്ച കോടതിക്കെതിരെ സി.പി.എം നേതാക്കള് രംഗത്തെത്തിയിരുന്നു. എം.പി. ജയരാജന് പൂജപ്പുര ജയിലില് കിടന്നതും കോടതിയലക്ഷ്യ നടപടിക്ക് വേണ്ടിയാണ്. എന്നാല് മുഖ്യമന്ത്രിക്കെതിരെയുളള പരാമര്ശങ്ങളുടെ പേരില് കോണ്ഗ്രസ് നേതാക്കളാരും രംഗത്ത് വന്നില്ല. ചില കോണ്ഗ്രസ് നേതാക്കള് മാത്രമാണ് ജഡ്ജിക്കെതിരെ രംഗത്തു വന്നത്. ഇത് വ്യക്തിപരമായിരുന്നു.
ജസ്റ്റിസ് റഷീദിന്റെ നീക്കങ്ങള് കോണ്ഗ്രസിനെ അമ്പരപ്പിച്ചെങ്കിലും പ്രതികരണങ്ങളില് മിതത്വം പാലിക്കാന് ഉമ്മന്ചാണ്ടി ഉള്പ്പെടെയുളള നേതാക്കള് ശ്രദ്ധിച്ചിരുന്നു. സുധീരനും കോടതിക്കെതിരെ രംഗത്തു വന്നില്ല. കേരളത്തില് തെരഞ്ഞെടുപ്പ് പ്രചരണത്തിനെത്തിയ ആന്റണിയും ഹൈകോടതി പരാമര്ശങ്ങളെ കുറിച്ച് മിണ്ടിയതേയില്ല. പത്രസമ്മേളനങ്ങളില് ഇത് സംബന്ധിച്ച് ചോദ്യങ്ങള് ഉയര്ന്നെങ്കിലും ആന്റണി നിശബ്ദത പാലിച്ചു.
ഞങ്ങള്ക്ക് ഹിതമായത് വരുമ്പോള് കോടതിയെ പ്രകീര്ത്തിക്കുകയും ഹിതകരമല്ലാത്തത് വരുമ്പോള് എതിര്ക്കുകയും ചെയ്യുന്ന സ്വഭാവം തങ്ങള്ക്കില്ലെന്ന് കോണ്ഗ്രസ് നേതാക്കള് പറയുന്നു. സുപ്രീംകോടതി കോണ്ഗ്രസിനെ വിമര്ശിച്ച് രംഗത്തു വന്നിട്ടും കേന്ദ്ര സര്ക്കാര് മിതത്വം പാലിച്ചതായി കോണ്ഗ്രസ് നേതാക്കള് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
