നിങ്ങളുടെ മക്കള് പഠിക്കുന്നുണ്ടോ, എങ്കില് പാഠപുസ്തകത്തിന് പകരം സര്ക്കാര് കമ്പിപാര നല്കും
പാഠപുസ്തകങ്ങളുമായി സ്കൂളിലും കോളേജിലുമെത്തുന്ന വിദ്യാര്ത്ഥികള് പഠിക്കണോ കൊടിപിടിക്കണോ എന്ന ചോദ്യത്തിന് സര്ക്കാര് മറുപടി നല്കാനൊരുങ്ങുന്നു. കൊടിപിടിക്കണം. ഉമ്മന്ചാണ്ടിക്കും പിണറായിക്കും പിന്മുറക്കാര് വേണമെന്ന വാശിയൊന്നുമല്ല ഇതിനു പിന്നില് . കുട്ടിനേതാക്കളുടെ വിരട്ടുകണ്ട് മൂത്ത നേതാക്കള് വിരണ്ടു.
വിദ്യാര്ത്ഥി സമരം തടയാന് നിയമാനുസരണം നടപിട സ്വീകരിക്കുന്നില്ലെന്ന കോടതിയലക്ഷ്യ ഹര്ജി കേരള ഹൈകോടതിയിലെത്തിയപ്പോള് വിദ്യാര്ത്ഥി രാഷ്ട്രീയം നിയന്ത്രിക്കാന് നടപടി സ്വീകരിക്കണമെന്ന് ഉന്നത വിദ്യാഭ്യാസ സെക്രട്ടറി കെ.എം. എബ്രഹാം ഹൈകോടതിയില് തസ്യവാങ്മൂലം സമര്പ്പിച്ചു. ഹൈകോടതിയില് സത്യവാങ്മൂലം സമര്പ്പിച്ചപ്പോള് വിദ്യാര്ത്ഥി രാഷ്ട്രീയത്തിലെ മീശയില്ലാ നേതാക്കള് വിവരമറിഞ്ഞു. അവര് ക്രിക്കറ്റ് ബാറ്റുമായി മുഖ്യമന്ത്രിയെ കണ്ടു. പിന്നാലെ വിദ്യാഭ്യാസ മന്ത്രിയെയും. ഇരുവരും കൈമലര്ത്തി. ഇങ്ങനെയൊരു സത്യവാങ്മൂലം തങ്ങള് കണ്ടിട്ടില്ല. മുഖ്യമന്ത്രി പറഞ്ഞത് ഒരു പക്ഷേ ശരിയായിരിക്കാം.
വകുപ്പുമായി ബന്ധപ്പെട്ട സത്യവാങ്മൂലം ഫയല് ചെയ്യുമ്പോള് ബന്ധപ്പെട്ട മന്ത്രി കണ്ടിരിക്കണമെന്നാണ് ചട്ടം. എന്നാല് ആഴ്ചയില് അഞ്ച് ദിവസവും വിദ്യാഭ്യാസമന്ത്രി തിരുവനന്തപുരത്തുണ്ടാകാറില്ല. എന്നാല് സത്യവാങ്മൂലത്തിന്റെ ഫയല് മന്ത്രി കാണുകയും ഒപ്പിടുകയും ചെയ്തുവെന്നാണ് വിദ്യാഭ്യാസ വകുപ്പ് ഉദ്ദ്യോഗസ്ഥര് പറയുന്നത്.
മുഖ്യമന്ത്രിയും വിദ്യാഭ്യാസമന്ത്രിയും ഇപ്പോള് ഉദ്ദ്യോഗസ്ഥര്ക്ക് നേരേ ചോദ്യങ്ങളുമായി നില്ക്കുന്നു. ആരോടു ചോദിച്ചിട്ടാണ് ഇത്തരമൊരു സത്യവാങ്മൂലം ഫയല് ചെയ്തതെന്നാണ് ചോദ്യം. മന്ത്രി കണ്ടെന്ന് പറഞ്ഞെങ്കിലും അദ്ദേഹം കൈമലര്ത്തിയതോടെ ഫയല് അന്വേഷിച്ച് നടക്കുകയാണ് ഉദ്ദ്യോഗസ്ഥര്.
വിദ്യാര്ത്ഥി സമരം തടയാന് എന്തു നടപടി സ്വീകരിച്ചു എന്നാണ് ഹൈകോടതിയുടെ ചോദ്യം. ഒരു നടപടിയും സ്വീകരിച്ചില്ലെന്ന് പറഞ്ഞാല് ജസ്റ്റിസ് ഹാറൂള് റഷീദിന്റെ പ്രേതം മറ്റ് ജഡ്ജിമാരിലും കയറും. അപ്പോള് ഇത്തരമൊരു സന്നിദ്ധാവസ്ഥ ഉണ്ടാകാതിരിക്കണമെങ്കില് തഞ്ചത്തില് നില്ക്കണം.
വിദ്യാര്ത്ഥികള് രാഷ്ട്രീയത്തില് ഇറങ്ങില്ലെന്ന സത്യവാങ്മൂലം പ്രവേശന വേളയില് രക്ഷകര്ത്താക്കളില് നിന്നും വാങ്ങുമെന്ന വ്യവസ്ഥയാണ് നേതാക്കളെ അലട്ടുന്നത്. അതിനാല് കാമ്പസിലെത്തുന്ന വിദ്യാര്ത്ഥികള്ക്ക് പാഠപുസ്തകങ്ങള്ക്ക് പകരം കമ്പി പാര നല്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
