തിരുവനന്തപുരത്ത് ശശി തരൂരിനെ ഒതുക്കാന് കോണ്ഗ്രസുകാര് രാജ ഗോപാലിന് വോട്ട് നല്കിയതായി ഡിസിസി
തിരുവനന്തപുരം ലോക്സഭാമണ്ഡലത്തില് ശശി തരൂരിനെ ഒതുക്കാന് കോണ്ഗ്രസുകാര് രാജ ഗോപാലിന് വോട്ട് നല്കിയതായി ഡി.സി.സി. യോഗത്തില് വിലയിരുത്തല്. കടുത്ത മത്സരം നടക്കുമ്പോഴും ഡെപ്യൂട്ടി സ്പീക്കര് എന്. ശക്തന് കോണ്ഗ്രസ് സ്ഥാനാര്ത്ഥിയുടെ വിജയത്തിനുവേണ്ടി കാര്യമായി പ്രവര്ത്തിച്ചില്ലെന്നും യോഗത്തില് വിമര്ശനമുയര്ന്നു. തിരുവനന്തപുരം മണ്ഡലത്തില് വോട്ടുചോര്ച്ചയുണ്ടായിട്ടുണ്ടെങ്കിലും വിജയം സുനിശ്ചിതമാണ്. ആറ്റിങ്ങലില് കടുത്ത മത്സരമാണു നടന്നത്. എന്നാല് അവിടെയും വിജയസാധ്യതയുള്ളതായി യോഗം വിലയിരുത്തി.
തെരഞ്ഞെടുപ്പ് കമ്മിറ്റി കണ്വീനര്മാര്, ഡി.സി.സി. ഭാരവാഹികള് എന്നിവരുള്പ്പെടുന്ന അവലോകനയോഗമാണു ചേര്ന്നത്. തിരുവനന്തപുരം, വട്ടിയുര്ക്കാവ്, കഴക്കൂട്ടം മണ്ഡലങ്ങളിലാണു കോണ്ഗ്രസ്വോട്ടുകള് ചോര്ന്നത്. ഇടതുമുന്നണിയുടെ വോട്ടുകളിലും ചോര്ച്ചയുണ്ടായിട്ടുണ്ട്. കോണ്ഗ്രസിന്റെ വോട്ടുചോരുന്നത് തടയുന്നതിനു പാര്ട്ടി സംവിധാനം പരാജയപ്പെട്ടുവെന്നും യോഗം വിലയിരുത്തി.
സ്ഥാനാര്ഥിക്കെതിരായി തലസ്ഥാനത്തെ മുതിര്ന്ന നേതാവും ഡെപ്യൂട്ടി സ്പീക്കറുമായ എന്. ശക്തന് പ്രവര്ത്തിച്ചെന്ന് ആരോപണമുയര്ന്നു. സഭയുമായുള്ള അഭിപ്രായവ്യത്യാസം കാരണം വി.എസ്.ഡി.പിയുമായി സഹകരിച്ചു കോണ്ഗ്രസ് സ്ഥാനാര്ഥിക്കെതിരേ അദ്ദേഹം പ്രവര്ത്തിക്കുകയായിരുന്നെന്നാണു പരാതി. എന്നാലൂം തലസ്ഥാനത്ത് ശശിതരൂര് തന്നെ വിജയിക്കാനാണു സാധ്യത. തരൂരും രാജഗോപാലും തമ്മിലായിരുന്നു മത്സരം. ഇവിടെ ഇടതുമുന്നണി സ്ഥാനാര്ഥിയായ ബെനറ്റ് മൂന്നാംസ്ഥാനത്തേക്ക് പോകും. സി.എസ്.ഐ. സഭയ്ക്കുള്ളില് തന്നെ ബെനറ്റിനെതിരേ വികാരമുണ്ടായിരുന്നു. അതോടൊപ്പം സി.പി.എം. വോട്ടുകളിലും ചോര്ച്ചയുണ്ടായി. ഈ സാഹചര്യത്തില് തരൂര് വിജയിക്കുമെന്നും യോഗം വിലയിരുത്തി.
https://www.facebook.com/Malayalivartha
