ഒറ്റ ദിവസം കൊണ്ട്‌ കീഴ്‌മേല്‍ മറിഞ്ഞതാണ്‌ ആറ്റിങ്ങലിലെ ക്രൂര കൊലപാതകത്തില്‍ നിന്നും വിധിയുടെ ആനുകൂല്യം കൊണ്ടു മാത്രം രക്ഷപ്പെട്ട ലിജീഷിന്റെ ജീവിതം. ഭാര്യയുടെ കാമുകനാല്‍ മരണം കുറിച്ചിട്ട ലിജീഷിന്റെ രക്ഷപ്പെടലാണ്‌ എല്ലാം ലോകമറിഞ്ഞത്‌. അല്ലെങ്കില്‍ നിനോ മാത്യു നടത്തിയ മനസാക്ഷിയില്ലാത്ത കൊലപാതകം ഒരു മോഷണത്തിനിടെയുള്ള കൊലപാതകമായി മാറിയേനെ.
കലങ്ങിയ മനസുമായി ആശുപത്രിയില്‍ നിന്നും വീട്ടിലേക്കെത്തിയ ലിജീഷിനെ ഒന്നു ആശ്വസിപ്പിക്കാന്‍ പോലും ആര്‍ക്കുമാകുന്നില്ല. ബന്ധങ്ങള്‍ക്ക്‌ എന്ത്‌ വില എന്ന്‌ തോന്നിപ്പിക്കുന്നതാണ്‌ ലിജീഷിന്റെ ജീവിതം.
താന്‍ ജീവനെക്കാളേറെ സ്‌നേഹിച്ച ഭാര്യ ഒരുമിച്ച്‌ കിടക്കുമ്പോഴും സ്വപ്‌നം കണ്ടത്‌ മറ്റൊരു കാമുകനെ. തന്റെ അസാന്നിധ്യത്തില്‍ അനുശാന്തി നിനോ മാത്യുവിനോടൊപ്പമുള്ള വഴിവിട്ട ബന്ധങ്ങളും ലിജീഷ്‌ വൈകിയാണ്‌ മനസിലായത്‌. എന്നിട്ടു കൂടി അവളെ നേര്‍വഴിക്ക്‌ കൊണ്ടുവരാനായി ഉപദേശിച്ചു. തങ്ങളുടെ കുഞ്ഞിനെ ഓര്‍ത്ത്‌ എല്ലാം പൊറുക്കാനും ലിജീഷ്‌ തയ്യാറായിരുന്നു. പകരം നിനോ മാത്യുവിനോടൊപ്പമുള്ള ജോലി അവസാനിപ്പിക്കാനാണ്‌ ലിജീഷ്‌ ആവശ്യപ്പെട്ടത്‌. എന്നാല്‍ അതിനൊന്നും അനുശാന്തി തയ്യാറായിരുന്നില്ല.

അവസാനം സഹികെട്ട ലിജീഷ്‌ അത്രയ്‌ക്കിഷ്‌ടമാണെങ്കില്‍ നിനോയ്‌ക്കൊപ്പം പോകാനും പറഞ്ഞു. ഒരു ഭര്‍ത്താവ്‌ ഇതു പറയണമെങ്കില്‍ അയാളുടെ മാനസികാവസ്ഥ ആലോചിക്കുക.

ഇത്രയൊക്കെയായിട്ടും ഭാര്യ ഭര്‍ത്താക്കന്‍മാരുടെ ഈ പ്രശ്‌നങ്ങള്‍ വീട്ടിലെ മറ്റാര്‍ക്കും തന്നെ അറിയില്ലായിരുന്നു.
അതേസമയം നിനോ മാത്യുവും അനുശാന്തിയും ലിജീഷിനെ ഒഴിവാക്കാനുള്ള തന്ത്രങ്ങള്‍ മെനയുകയായിരുന്നു. ലിജീഷിനേയും 4 വയസുള്ള കുഞ്ഞിനേയും കൊന്ന്‌ ഒരുമിച്ച്‌ ജീവിക്കാന്‍ നിനോ ഉറപ്പിച്ചതോടെ കൊലപാതകം സ്വയമേറ്റെടുത്തു.
അങ്ങനെയാണ്‌ നിനോ മാത്യു ലിജീഷിന്റെ വീട്ടിലെത്തി അമ്മയേയും കുഞ്ഞിനേയും വെട്ടിക്കൊന്നത്‌. മോഷണ ശ്രമമാക്കാന്‍ ആഭരണവും കൈക്കലാക്കി. അതിനു ശേഷമാണ്‌ പുറത്തുനിന്നും വന്ന ലിജീഷിനെ കൊല്ലാനായി വെട്ടിയത്‌. എന്നാല്‍ ദൈവം ലിജീഷിന്റെ കൂടെയായിരുന്നു. വെട്ട്‌ കൊണ്ടത്‌ ചെവിയിലായിരുന്നു. വെട്ടിന്റെ ആഘാതത്താല്‍ ചെവി അറ്റു തൂങ്ങിയെങ്കിലും വലിയ പരിക്കു പറ്റിയില്ല. തുടര്‍ന്ന്‌ പുറത്തേയ്‌ക്കോടിയതാണ്‌ ലിജീഷിന്‌ രക്ഷയായത്‌. നാട്ടുകാര്‍ ഓടിക്കൂടിയതോടെ നിനോ ഓടി രക്ഷപ്പെട്ടു.

ലിജീഷ്‌ രക്ഷപ്പെട്ടതു കൊണ്ടു മാത്രമാണ്‌ നിനോയുടെ പേര്‌ പറയാന്‍ കഴിഞ്ഞത്‌. അല്ലെങ്കില്‍ അത്ര പെട്ടന്നൊന്നും കോടീശ്വരനായ നിനോയെ സംശയിക്കില്ല, പിടിക്കില്ല. ആരെ കൊല്ലാനാണ്‌ നിനോ വന്നത്‌ അത്‌ നടന്നില്ല എന്നത്‌ നിനോയ്‌ക്ക്‌ പാരയായി. ലിജീഷിന്റെ ഭാഗ്യവും. എങ്കിലും തനിക്കു വേണ്ടി തന്റെ പ്രിയപ്പെട്ട അമ്മയും തന്റെ ജീവനായ പൊന്നു മോളും പോയി. അനുശാന്തിയോട്‌ അന്നേ പറഞ്ഞതല്ലേ ഇഷ്‌ടമാണെങ്കില്‍ അവനോടൊപ്പം പൊയ്‌ക്കൊള്ളാല്‍ . മോളെ താന്‍ വളര്‍ത്തുമല്ലോ.
ഇപ്പോള്‍ നഷ്‌ടമായിരിക്കുന്നത്‌ തന്റെ ബന്ധങ്ങളാണ്‌. ഒരിക്കലും തിരിച്ചുകിട്ടാത്ത ബന്ധങ്ങള്‍ .
ഇങ്ങനെ ഉത്തരം കിട്ടാത്ത നൂറ്‌ ചോദ്യങ്ങള്‍ക്കിടയിലാണ്‌ ഡിസ്‌ചാര്‍ജ്‌ ചെയ്‌ത്‌ വീട്ടിലെത്തിയ ലിജീഷ്‌. അനുശാന്തി ഇത്രയും ക്രൂരയായിരുന്നു എന്ന്‌ ചിന്തിക്കാന്‍ പോലും ലിജീഷിനാകുന്നില്ല. പലപ്പോഴും ചിന്തകള്‍ അതിരുവിടുമ്പോള്‍ ലിജീഷിന്റെ കണ്ണ്‌ നിറയാറുണ്ട്‌.

പ്രണയം, മാന്യരായ ഇവരെ എങ്ങനെ കൊലപാതകികളാക്കി? നിനക്കൊരു സര്‍പ്രൈസ്‌ ഗിഫ്‌റ്റ്‌ ഞാന്‍ തരുന്നുണ്ട്‌, വൈകുംന്നേരം വരെ കാത്തിരിക്കുക

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha