ഒന്നര വര്‍ഷത്തോളം ഒളിവില്‍ കഴിഞ്ഞ ടോട്ടര്‍ ഫോര്‍ യു തട്ടിപ്പു കേസിലെ പ്രതി പോലീസില്‍ കീഴടങ്ങി. തിരുവനന്തപുരം മജിസ്‌ട്രേറ്റ് കോടതിയിലാണ് ശബരീനാഥ് കീഴടങ്ങിയത്. മെയ് അഞ്ച് വരെ ഇയാളെ റിമാന്‍ഡ് ചെയ്തു. മനസമാധാനം ലഭിക്കാനാണ് കീഴടങ്ങിയതെന്ന് ശബരീനാഥ് പറഞ്ഞു. ജാമ്യത്തില്‍ ഇറങ്ങി ഒളിവില്‍ പോയ ശബരീനാഥിന് വേണ്ടി പോലീസ് നേരത്തെ ലുക്ക്ഔട്ട് നോട്ടീസ് പുറത്തിറക്കിയിരുന്നു.

പോലീസ് തന്നെ കള്ളക്കേസില്‍ കുടുക്കാന്‍ ശ്രമിക്കുകയാണ്. പോലീസും ഗുണ്ടകളും നിരന്തരം പീഡിപ്പിച്ചു. വധഭീഷണി ഉള്ളതിനാലാണ് ഒളിവില്‍ പോയത്. സബ് ജയിലിലേക്ക് അയക്കരുത്, സെന്‍ട്രല്‍ ജയിലിലേക്ക് അയക്കണം. സെന്‍ട്രല്‍ ജയിലില്‍ പ്രത്യേക സെല്‍ വേണമെന്നും ശബരീനാഥ് ആവശ്യപ്പെട്ടു.

ടോട്ടല്‍ ഫോര്‍ യു സ്ഥാപനത്തിന്റെ ഉടമയായ ശബരീനാഥ് രണ്ട് വര്‍ഷം കൊണ്ട് 200 കോടിയിലേറെ രൂപ തട്ടിച്ചുവെന്നാണ് പോലീസ് കേസ്. ചലച്ചിത്ര താരങ്ങളും, ബിസിനസ്, ഉദ്യോഗസ്ഥ രംഗത്തെ പ്രമുഖരും മുതല്‍ സാധാരണക്കാര്‍ വരെ ഈ തട്ടിപ്പില്‍ കുടുങ്ങി പണം നഷ്ടപെട്ടവരില്‍ പെടുന്നു.

2008 ആഗസ്ത് ഒന്നിന് നാഗര്‍കോവിലില്‍ വെച്ച് അറസ്റ്റ് ചെയ്യപ്പെട്ട ശബരീനാഥ് പിന്നീട് 2009ല്‍ ജാമ്യത്തിലിറങ്ങിയ ഒളിവില്‍ പോവുകയായിരുന്നു. ഒക്‌ടോബറില്‍ തിരുവനന്തപുരം അഡിഷണല്‍ ചീഫ് ജുഡിഷ്യല്‍ കോടതിയാണ് ശബരിനാഥിന് ജാമ്യം അനുവദിച്ചത്. ശബരിനാഥിനെതിരെ 33 ക്രിമിനല്‍ കേസുകളാണ് നിലവിലുള്ളത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha